Jamie Foxx na Taylor Swift bavutse kuri iyi tariki: bimwe mu byaranze uyu munsi mu mateka

Ibintu by’ingenzi byaranze uyu munsi mu mateka y’isi:

1949: Inteko ishingamategeko ya Israel yemeje ko umurwa mukuru w’iki gihugu uba Yeruzalemu.

1960: Mu gihe umwami w’abami wa Ethiopia Haile Selasie I yasuraga igihugu cya Brazil, umurinzi umwe w’ibwami yageze mu mujyi yarimo maze amutangariza ko yahiritswe ku ngoma n’umuhungu we Asfa Wossen wahise wiyimika nk’umwami.

2001: Inteko ishingamategeko y’ubuhinde yatewe n’ibyihebe, abantu bagera kuri 15 barahagwa harimo n’ibyihebe byose.

2002: Inama y’umuryango w’ubumwe bw’uburayi yatangaje ko ibihugu bya Chypres, Repubulika ya  Czech, Estonia, Hungary, Latvia, Lithuania, Malta, Pologne, Slovakia, na Slovenia bizakirwa nk’ibinyamuryango guhera tariki ya mbere Gicurasi 2004.

2003: Mu cyiswe Operation Red Dawn, Saddam Hussein wabaye perezida wa Iraq, akaza guhirikwa n’intambara na Amerika, ndetse agahigwa bikomeye yafatiwe mu mujyi wa Tikrit.

Abantu bavutse uyu munsi:

1818: Mary Todd Lincoln, umugore wa Abraham Lincoln (wabaye perezida wa 17 wa Amerika) nibwo yavutse aza kwitaba Imana mu 1882.

1915: B. J. Vorster, perezida wa 4 wa Afurika y’epfo nibwo yavutse aza kwitaba Imana mu 1983.

1961: Irene Sáez, umunyamideli w’umunyavenezuela akaba yarabaye nyampinga w’isi mu 1981 yabonye izuba.

1967: Jamie Foxx, umukinnyi wa filime akaba n’umuririmbyi w’umunyamerika yabonye izuba.

1975: Kostas Kiassos, umukinnyi w’umupira w’amaguru w’umugereki nibwo yavutse.

1980: Ryan France, umukinnyi w’umupira w’amaguru w’umwongereza nibwo yavutse.

1982: Dominik Werling, umukinnyi w’umupira w’amaguru w’umudage nibwo yavutse.

1984: Santi Cazorla, umukinnyi w’umupira w’amaguru w’umunya Espagne nibwo yavutse.

1986: Mathieu Gnanligo, umukinnyi wo kwiruka ku maguru w’umunya Benin nibwo yavutse.

1989: Taylor Swift, umuririmbyikazi akaba n’umukinnyikazi wa filime w’umunyamerika yabonye izuba.

1989: Katherine Schwarzenegger, umwanditsi w’ibitabo akaba ari umukobwa w’imfura w’igihangange muri filime Arnold Schwarzenegger nibwo yavutse.

1991: Senah Mango, umukinnyi w’umupira w’amguru w’umunyatogo yabonye izuba.

Abantu bitabye Imana uyu munsi:

1124: Papa Callixtus II yaratashye.

2006: Lamar Hunt, umushoramari w’umunyamerika akaba ari mu bashinze igikombe cy’umupira w’amaguru w’amanyamerika ndetse n’igikombe cy’isi cya Tennis, yaratabarutse ku myaka 74 y’amavuko.