Ishimutwa ry'umuherwe Mohammed Dewji washyamiranije Guverinoma ya Tanzania n'uruhande rw'abatavuga rumwe nayo

Godbless Lema uvugira uruhande rutavuga rumwe na Leta, yasabye Leta gutumira inzobere mu gukora iperereza ry'uburyo Mohammed yashimuswe. Godbless yashinje Police kutagaragaza ibimenyetso bifatika mu kubona uyu muherwe no guta muri yombi abamushimuse.

Mu kumusubiza, Hamad Masauni, Ministiri wungirije muri ministere y'ibikorwa by'imbere mu gihugu, yavuze ko nta gahunda Leta ifite yo kwemerera abakora iperereza bo hanze mu gihe Police ifite ubushobozi bwo gukora aka kazi. Minisitiri Hamad Masauni, yunze mu rya Minisitiri umukuriye Kangi Lugola nawe uherutse gutangaza ko Dar es salam itazemera na gato abaza kuyifasha iperereza baturutse hanze. 

Lema yavuze ko mu myaka itatu ishize abantu byibuze 75 bashimuswe.uyu mudepute uhagarariye Arusha mu nteko ya Tanzania asaba leta kwemera abakora ipererza bo hanze kuko ari cyo kizagaragaza ko nta ruhare ifite mu ishimutwa rya Mohammed Dewji.

Mohammed Dewji, umuherwe muto muri Afurika ku myaka 43 y'amavuko yashimuswe kuwa kane w'icyumweru gishize n'abantu bitwaje intwaro ariko bataramenyakana dore ko na camera zo kuri hotel yashimutiweho agiye muri sport ntacyo zigaragaza. Umuryango we washyizeho igihembo cya miliyari y'amashingi ya Tanzania ku muntu wese uzatanga amakuru y'aho aherereye.

Src: The citizen