RFL
Kigali

Imwe mu miti itemewe ku mubyeyi wonsa

Yanditswe na: Christophe Renzaho
Taliki:21/03/2016 10:18
0


Hari imiti imwe n’imwe atemerewe gukoresha kubera ingaruka mbi yateza ku mwana cyangwa ikagabanya ingano y’amashereka agenewe umwana ariko nanone gufata imiti ku umubyeyi wonsa hazamo gushyira ku munzani inyungu ndetse n’ingaruka z’umuti ku mpande zombi(umubyeyi n’umwana).



Konsa umwana bifite akamaro kanini mu buryo bwo kugaburira umwana, mu buryo bwo kubaka ubudahangarwa bw’umubiri w’umwana, mu buryo bw’imitekerereze myiza umwana azagira ndetse no mu buryo bw’icungamutungo riboneye n’imibereho myiza mu muryango.

Bimwe mu bintu bishobora gutuma umuti utunguka mu mashereka

-Ibigize amashereka

Amashereka yo mu minsi ya mbere umugore akibyara yemerera (yakira )umuti mwinshi ugereranyije n’amashereka agenda aza nyuma bitewe n’imihindagurikire y’umusembureo wa progesterone ugenda wiyongera biryo n’amashereka akagenda akomera.

-Imirerere y’umubyeyi

Ibintu byose bibangamira isohoka ry’ibisigazwa by’umuti umubyeyi aba yanyoye ,bituma umuti uboneka mu mashereka wiyongera.umubyeyi wonsa agomba kunywa umuti ari uko umwijima ndetse n’impyiko ze ari nzima kugirango habeho gusohora neza ibisigazwa by’umuti umubiri utakeneye.

Inzira umuti wanyujijwemo nazo zishobora kugena ingano y’umuti mu mashereka,imiti yo kunywa ndetse no gusiga igaragaza ingano nke mu mashereka ugereranyije n’imiti iterwa mu nshinge.

-Imiterere y’umuti ubwawo

-Imiti ukozwe n’ingingo(molecules)zitaremereye ugera mu mashereka byoroshye ugereranyije n’indi.

-Umuti wihuza na poroteyine ugeze mu maraso ugera mu mashereka byoroshye ugereranyije n’indi

-Imiti ishonga mu mavuta igera mu mashereka ku buryo bworoshye ugereranyije n’indi

-Imiti itinda gushira mu mubiri nayo iboneka mu mashereka byoroshye

Amasaha ahura n’igihe ingano y’umuti imaze ku gera mu maraso ari nyinshi ahura n’igihe uwo muti n’ubundi uri mu mashereka ari mwinshi,ni byiza kunywa imiti ako kanya ukimara konsa.

Imiti yinjira mu maraso ari micye(low bioavailability) niyo yo guhitamo bwa mbere.

-Imimerere y’umwana:

Umwana wavutse amezi yagenwe atageze ahura n’ingaruka z’imiti ugereranyije n’umwana wavukiye igihe

Amwe mu mabwiriza ku ikoreshwa ry’imiti ku mubyeyi wonsa

konsa

-Kureba imiti ituwe nta kibazo yateza ku mwana kandi itaboneka gacye mu mashereka

Urugero:gukoresha Paracetamol mu mwanya wa aspirin

-Guhitamo umuti n’ubundi utuwe wemewe gukoresha ku mwana

-Kubanza kugerageza imiti isigwa(topical drugs)aho guhita ujya ku miti yo kunywa cg yo kunyuza mu nshinge.

-Guhitamo imiti idakomatanye(combinaison y’imiti).urugero:koresha paracetamol aho guhita ujya kuri hedex(paracetamol+aspirine+caffeine)

-Ku miti ikora kimwe ,hitamo uboneka gake mu mashereka

-Guhitamo umuti utabasha gutunguka mu bwonko

-Igihe cyo konsa ntikigomba guhura n’igihe umuti umaze kugera mu maraso ari mwinshi,umuti ugomba kunywebwa ako kanya umubyeyi akimara konsa.

N.B:Muri rusange ni byiza ko umubyeyi yikama amashereka akayabikira umwana mu buryo bwabugenewe igihe ari gukoresha imiti ishobora kumugiraho ingaruka cg akaba ahagaritse kumwonsa igihe bigaragaye ko umuti ukenewe mu kurinda ubuzima bw’umubyeyi.

Iyo amashereka abikwa amashereka abikwa amasaha make(amasaha 4-6)abikwa bisanzwe,hagati y’iminsi 3-8 abikwa muri frigo niba azakoreshwa mu mezi 6 kugeza ku mwaka abikwa muri congelateur.Amashereka avuye muri congelateur cg frigo arambikwa mu mazi y’akazuyaze nibura iminota 30 agafata agashyuhe kirazira kuyashyushya muri bya byuma bishyushya(micro-ondes).

Dore rero imwe mu miti itemewe gukoreshwa mu gihe umubyeyi anonsa.

1

 2

Imwe mu miti idakunze guteza ikibazo ku mugore wonsa

-Imiti y’inzoka zo munda

-Inkingo(vaccins)

-Imiti ya Asima(asthyma)

-Imiti batera muri serumu(glucose&normal saline)

-Imiti yo gusiga ku ruhu(topical drugs)

Iyi miti akenshi nta kibazo kidasanzwe iteza ku mwana wonka ku mugore utwite.

Bakunzi bacu ,kubungabunga ubuzima bw’umwana ni ukurinda ejo hazaza.

Ku bindi bisobanuro cg ibitekerezo mwatwandikira kuri e-mail baumarco81@gmail.com

By Phn N.Marcelo Baudouin

 






TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND