Impamvu kuburana cyane bizatuma uba umuhanga kurushaho

Abantu benshi  birinda kuburana cyangwa kugaragaza ko batemeranywa n’ibivugwa mu kiganiro, n’iyo bbigerageje, bakomeza no kwifata ngo hato bidafatwa nabi, byaba mu buryo bakoresha amagambo, ibimenyetso by’umubiri n’imivugire. Ni inde wifuza intonganya n’umuntu bakorana, bicarana amasaha 8 buri munsi? Aramutse ari umukoresha bwo biba ari ibindi, benshi ntibapfa kugaragaza ko batumva ibintu kimwe nawe.

Ariko burya ngo kubaho abantu nta kintu na kimwe batumvikanaho, ni ikimenyetso cy’uko nta terambere bari kugeraho ngo kuko kuburana no kutumva ibintu kimwe bibyutsa ubwonko kuba bwatekereza ibindi bintu bitandukanye n’ibisanzwe bimenyerewe. Urugero rwiza, ni mu buvumbuzi bw’ibintu bitandukanye. Kuba nyirabyo yabivumbuye ntibyavugaga ko bihita byemerwa, hagombaga kuba impaka hagati y’abandi bahanga mu by’ubumenyi.

Kutavuguruzwa bitera imico y’ikizere gikabije

Ikizere gikabije cyangwa overconfidence ni kimwe mu bintu bibangama cyane. Iyo umuntu atavuguruzwa, niho usanga n’iyo ari mu makosa, ntamenya ibyabaye akomeza kumva ahagaze neza kandi yahirimye. Kuganira n’abandi kumva ibyo mudahuza, utagamije kurwana cyangwa kwiyemera, nibyo bituma kuburana bikuza ubushobozi bw’ubwonko bwo kurema ibisubizo ku bibazo runaka.

Iyo ukunda gutega amatwi no kumeranywa n’abandi ngo biba ari ikimenyetso gikomeye cy’uko ufite ubwonko butekereza cyane kandi wabasha no gukora ibintu bitandukanye.