Gukubita abana ku kibuno byafatwaga nko kubahana ku bw’amakosa babaga bakoze ndetse bamwe bakanavuga ko ari bwo buryo bwiza bwo guhana umwana kuko ku kibuno ntacyo haba hatwaye ariko abahanga bavuga ko bibangiza cyane.
Ubushakashatsi bwakorewe muri kaminuza ya Texas Medical Branch ndetse bushyirwa ahagaragara mu kinyamakuru cyitwa Pediatric buvuga ko mu bantu 800 bakuze ariko bitwara nk’abakorewe ihohoterwa, byaturutse ku kuba barahanwaga ariko bagakubitwa cyane ku kibuno.
Jeff Temple wari uhagarariye ubu bushakashatsi, avuga ko uko umubyeyi akubita umwana ku kibuno ashaka ko ahindura imyitwarire, bimuremamo ikintu kibi cyane kivuga ko niba umuntu akubise umwana nka we cyangwa se undi arusha intege akamukubita ku kibuno aribwo ahinduka umuntu muzima.
Akomeza kandi avuga ko nta bushakashatsi bugaragaza ko gukubita umwana ku kibuno bituma yikosora ahubwo biramwangiza kurushaho ndetse akazabisazana.
Ibyo kandi byashimangiwe n’ubundi bushakashatsi bwakorewe muri kaminuza ya Michigan aho buvuga ko abana bakubiswe cyane ku kibuno badukwaho n’umwuka wo gusuzugura ababyeyi babo, ntibisanga muri soyisete ahubwo usanga bitinya cyane, bakunda kugira ibibazo byo mu mutwe, bagira ibyiyumviro batatekerejeho.
Muri make twavuga ko gukubita umwana ku kibuno bimuremamo ibyo ababyeyi batifuzaga kumuremamo
Src: doctrissimo.fr
Eng
RSS 
TANGA IGITECYEREZO