Bimwe mu byaranze uyu munsi mu mateka

Ibintu by’ingenzi byaranze uyu munsi mu mateka y’isi:

1788: Leta ya Maryland, imwe muri Leta zigize Leta zunze ubumwe za Amerika yemeje itegekonshinga rya Leta zunze ubumwe za Amerika, iba Leta ya 7 iryemeje.

1920: Iguhugu cya Azerbaijan cyongerewe ku bihugu byari bigize Leta y’abasoviyeti.

1932: Urukingo rw’indwara ya Fievre Jaune rwemejwe bwa mbere gukoreshwa ku bantu.

1945: Benito Mussolini wategekaga igihugu cy’u Butaliyani yiciwe hamwe n’uwari umugore we Clara Petacci, barashwe n’ingabo zari izitavuga rumwe n’ubutegetsi ku musozo w’intambara ya 2 y’isi.

1952: Amasezerano aha ubwigenge igihugu cy’u Buyapani nyuma y’uko cyari cyarafashwe na Leta zunze ubumwe za Amerika kuva nyuma y’intambara y’isi ya 2, yatangiye gushyirwa mu bikorwa, akaba yari yarasinyiwe I San Francisco mu 1951.

1952: Intambara hagati y’igihugu cy’u Buyapani n’u Bushinwa yarahagaritswe nyuma y’amasezerano yasinyiwe I Taipei muri Taiwan.

1969: Charles de Gaulle wari perezida w’u Bufaransa yikuye ku butegetsi.

Abantu bavutse uyu munsi:

1758: James Monroe, wabaye perezida wa 5 wa Leta zunze ubumwe za Amerika nibwo yavutse, aza gutabaruka mu 1831.

1916: Ferruccio Lamborghini, umushoramari w’umutaliyani, akaba ariwe wakoze ubwoko bw’imodoka za Lamborghini yabonye izuba, aza gutabaruka mu 1993.

1924: Kenneth Kaunda, perezida wa mbere wa Zambiya nibwo yavutse.

1937: Saddam Hussein, wahoze ari perezida wa Iraq akaba yari perezida wa 5 w’iki gihugu nibwo yavutse, azza kwitaba Imana mu 2006.

1973: Jorge Garcia, umukinnyi wa filime w’umunyamerika wamenyekanye nka Jerry Ortega muri filime za Hawaii 5-0 nibwo yavutse.

1974: Penélope Cruz, umukinnyikazi wa filime w’umunya-Espagne nibwo yavutse.

1981: Jessica Alba, umunyamideli akaba n’umukinnyikazi wa filime w’umunyamerika yabonye izuba.

1986: Jenna Ushkowitz, umukinnyi wa filime, umuririmbyi akaba n’umubyinnyi w’umunyamerikakazi ukomoka muri Koreya y’epfo, wamenyekanye nka Tina muri filime y’uruhererekane ya Glee nibwo yavutse.

1988: Juan Mata, umukinnyi w’umupira w’amaguru w’umunya Espagne yabonye izuba.

1995: Jonathan Benteke, umukinnyi w’umupira w’amaguru w’umubiligi nibwo yavute.

Abantu bitabye Imana uyu munsi:

1945: Benito Mussolini, wabaye minisitiri w’intebe w’u Butaliyani yaratabarutse, hamwe n’umugore we Clara Petacci.

1978: Mohammed Daoud Khan, wabaye perezida wa mbere wa Afganistan yaratabarutse, ku myaka 69 y’amavuko.

1994: Abatutsi biciwe hirya no hino mu gihugu, mu gihe Jenoside yakorewe Abatutsi mu Rwanda yari ikomeje.

Iminsi mikuru yizihizwa uyu munsi:

Uyu munsi ni umunsi mukuru wa Mutagatifu Pierre Chanel

Uyu munsi ni umunsi mpuzamahanga wahariwe kwita ku mutekano n’ubuzima bwiza bw’abakozi ku kazi.