Bimwe mu byaranze uyu munsi mu mateka

Ibintu by’ingenzi byaranze uyu munsi mu mateka y’isi:

1916: Umwami wa nyuma w’ubushinwa Yuan Shikai yikuye ku ntebe maze hatangizwa Repubulika.

1963: Alubumu ya mbere y’itsinda ry’abaririmbyi ry’abongereza rya The Beatles bise Please Please Me, yagiye hanze mu Bwongereza, ikaba iri muri Alubumu zagurishijwe cyane mu mateka y’umuziki.

2004: Umunyapalestine Ahmed Yassin akaba ariwe washinze umutwe wa Hamas yiciwe muri Gaza aho yapfanye n’abarinzi be 2, ndetse n’abandi baturage 9 b’abasivili mu gitero cy’indege cyagabwe na Israel.

2014: Abantu bagera kuri 251 bari impunzi za Kongo zavaga Uganda zitahutse zasize ubuzima mu mpanuka y’ubwato bwiyubitse mu kiyaga cya Albert.

Abantu bavutse uyu munsi:

1814: Thomas Crawford, umuhanga mu gukora ibibumbano, akaba ariwe wakoze ishusho y’ukwishyira no kwizana y’I Washington (Statue of Freedom) nibwo yavutse, aza gutabaruka mu 1857.

1924: Al Neuharth, umunyamakuru w’umunyamerika akaba ariwe washinze ikinyamakuru cya USA Today nibwo yavutse, aza gutabaruka mu 2013.

1933: Abulhassan Banisadr, perezida wa mbere wa Iran nibwo yavutse.

1976: Reese Witherspoon, umukinnyikazi wa filime w’umunyamerika nibwo yavue.

1980: Shannon Bex, umuhanzikazi akaba n’umubyinnyikazi w’umunyamerika wamemenyekanye mu itsinda rya Danity Kane yabonye izuba.

1981: Mims, umuraperi w’umunyamerika yabonye izuba.

Abantu bitabye Imana uyu munsi:

1832: Johann Wolfgang von Goethe, umusizi, umwanditsi, akaba n’umunyapolitiki w’umudage akaba ari nawe witiriwe ikigo ndangamuco cy’abadage (Goethe Institute) yaratabarutse, ku myaka 83.

2004: Ahmed Yassin, umunyapalestine washinze umutwe wa Hamas yaratabarutse, ku myaka 67 y’amavuko.

Iminsi mikuru yizihizwa uyu munsi:

Uyu munsi ni umunsi mukuru w’abatagatifu: Basil, Darerca, Epaphrodite, Lea, Nicholas ndetse na Paul.

Uyu munsi ni umunsi mpuzamahanga w’amazi ku isi (World Water Day)