Bimwe mu byaranze uyu munsi mu mateka

Ibintu by’ingenzi byaranze uyu munsi mu mateka y’isi:

1874: Ihuriro mpuzamahanga ry’amaposita ryarashinzwe, nyumay’amasezerano y’I Berne arishyiraho.

1592: Mu bihugu by’u Butaliyani, Pologne, Portugal, na Espagne, uyu munsi nti ubaho muri uyu mwaka bitewe n’uko aribwo batangiye gukoresha ingengabihe ya Gregoire.

1962: Igihugu cya Uganda cyabonye ubwigenge ku bwongereza gihita cyemererwa no guhagararirwa mu muryango wa Commonwealth.

1967: Nyuma y’umunsi umwe afashwe, Ernesto Che Guevara wamenyekanye cyane mu guharanira impinduka mu bihugu bya Amerika y’epfo, yarishwe nyuma yo gushinjwa gutangiza impinduramatwara muri Bolivia.

2006: Igihugu cya Koreya ya ruguru cyatangiye ibikorwa byiswe iby’ubushotoranyi ubwo cyarengaga ku masezerano kigakora igeragezwa ry’ibisasu byacyo bya kirimbuzi.

 Abantu bavutse uyu munsi:

1900: Joseph Friedman, umuvumbuzi w’umunyamerika, akaba ariwe wavumbuye imiheha ya plastique nibwo yavutse, aza gutabaruka mu 1982.

1906: Leopold Sedar Senghor, umusizi akaba n’umunyapolitiki akaba yarabaye perezida wa mbere wa Senegal nibwo yavutse aza gutabaruka mu 2011.

1940: John Lennon, umuririmbyi, umwanditsi w’indirimbo akaba yaranatunganyaga indirimbo z’amajwi w’umwongereza wamenyekanye mu itsinda rya The Beatles nibwo yavutse aza kwitaba Imana mu 1980.

1950: Jody Williams, umunyamerikakazi wagiye aharanira cyane ihagarikwa ry’ibisasu bya mine akaza no kubiherwa igihembo cy’amahoro cyitiriwe Nobel nibwo yavutse.

1964: Guillermo del Toro, umuyobozi, umwanditsi n’umushoramari wa filime w’umunyamerika ufite inkomoko muri Mexique nibwo yavutse.

1966: David Cameron, minisitiri w’intebe w’ubwongereza nibwo yavutse.

1969: Steve McQueen, umuyobozi, umwanditsi akaba n’umushoramari wa filime w’umwongereza nibwo yavutse.

1977: Yaki Kadafi, umuraperi w’umunyamerika wamenyekanye mu itsinda rya Outlawz ryashinzwe na Tupac nibwo yavutse, aza kwitaba Imana mu 1996.

1978: Nicky Byrne, umuririmbyi w’umunya Ireland akaba anakina umupira w’amaguru wamenyekanye mu itsinda rya Westlife nibwo yavutse.

1978: Juan Dixon, umukinnyi wa basketball w’umunyamerika nibwo yavutse.

1979: Alex Greenwald, umuririmbyi, akanatunganya indirimbo z’amajwi akaba n’umukinnyi wa film w’umunyamerika wamenyekanye mu itsinda rya JJAMZ nibwo yavutse.

1992: Tyler James Williams, umuraperi akaba n’umukinnyi wa film w’umunyamerika nibwo yavutse.

Abantu bitabye Imana uyu munsi:

1967: Che Guevara, impirimbanyi y’impinduka akaba umwanditsi w’ibitabo ndetse akaba yari n’umuganga w’umunya Argentine yaratabarutse ku myaka 39 y’amavuko.

1968: Pierre Mulele, umunyapolitiki wari warigometse ku butegetsi bwa Kongo yitabye Imana ku myaka 39 y’amavuko.

2012: Sammi Kane Kraft, umukinnyikazi wa film w’umunyamerika yitabye Imana ku myaka 20 y’amavuko.

Iminsi mikuru yizihizwa uyu munsi:

Uyu munsi ni umunsi mukuru w’abatagatifu Denis, Dionysius, Ghislain, na Yohani Leonaldi.

Uyu munsi ni umunsi mpuzamahanga wahariwe amaposita ku isi (World Post Day)