Bimwe mu byaranze uyu munsi mu mateka

Ibintu by’ingenzi byaranze uyu munsi mu mateka y’isi:

1846: Abahanga mu by’ubumenyi bw’ikirere Urbain Jean Joseph Le Verrier, John Couch Adams na Johann Gottfried Galle bavumbuye umubumbe wa Neptune.

1913: Umufaransa Roland Garros yabaye umuntu wa mbere wagenze mu ndege akambuka inyanja ya Mediterranée aho yavuye mu bufaransa akagera muri Afurika mu gihugu cya Tuniziya.

1932: Ubwami bwa Hejaz na Nejd bwahinduye izina bwitwa ubwami bwa Arabiya Saudite.

1983: Gerrie Coetzee, umunyafurika y’epfo yabaye umunyafurika wa mbere  watsinze amarushanwa y’iteramakofi mu cyiciro cy’abantu bafite ibiro byinshi.

2002: Porogaramu ya mbere ya mudasobwa ya Mozilla Firefox (ikoreshwa mu kujya kuri interineti) yashyizwe hanze.

2004: Mu gihugu cya Haiti habaye imyuzure yahitanye abantu bagera ku 1,070, ukaba waratewe n’imiyaga yiswe Hurricane Jeanne.

Abantu bavutse uyu munsi:

1869: Typhoid Mary, umunyamerikakazi ufite inkomoko mu gihugu cya Ireland wagaragayeho bwa mbere indwara ya Typhoid ikaba yarahise imwitirirwa nibwo yavutse aza kwitaba Imana mu mwaka w’1938.

1920: Mickey Rooney, umukinnyi wa film w’umunyamerika wamenyekanye cyane nk’umwe mu byamamare byashakanye n’abagore benshi nibwo yavutse, aza gutabaruka mu 2014.

1943: Julio Iglesias, umuririmbyi akaba n’umwanditsi w’indirimbo w’umunya Espagne, akaba ari se w’igihangange mu muziki Enrique Iglesias nibwo yavutse.

1972: Jermaine Dupri, umuririmbyi w’injyana ya Rap akanatunganya indirimbo w’umunyamerika nibwo yavutse.

1975: Layzie Bone, umuririmbyi w’injyana ya Rap w’umunyamerika akaba n’umukinnyi wa film nibwo yavutse.

Abantu bitabye Imana uyu munsi:

1830: Elizabeth Monroe, umugore wa perezida James Monroe akaba ari perezida wa 5 wa Leta zunze ubumwe za Amerika yaratabarutse, ku myaka 62 y’amavuko.

1877: Urbain Le Verrier, umuhanga mu mibare akaba n’umuhanga mu bumenyi bw’ikirere w’umufaransa akaba umwe mu bavumbuye umubumbe wa Neptune yaratabarutse, ku myaka 66 y’amavuko.

Mutiganda Janvier