Al Pacino na Jay Park bavutse kuri iyi tariki: bimwe mu byaranze uyu munsi mu mateka

Bimwe mu by’ingenzi byaranze uyu munsi mu mateka y’isi:

1792 :Highwayman Nicolas J. Pelletier niwe wabaye umuntu wa mbere wahanishijwe igihano cyo kwicwa aciwe umutwe hakoreshwejwe uburyo bwa guillotine.

1792: "La Marseillaise", indirimbo yubahiriza igihugu cy’u Bufaransa yahimbwe na Claude Joseph Rouget de Lisle.

1846: Thornton Affair: amakimbirane ashingiye ku kurwanira umupaka wa Texas, byakuruye intambara hagati ya Mexique na Amerika.

1945: United Nations Conference on International Organization: Ni ibiganiro byari bigamije ishingwa ry’Umuryango w’abibumbye, byabereye i San Francisco.

2015: Abagera kuri 9,100 baguye mu mutingito wa 7.8 magnitude muri Nepal.

Abavutse kuri iyi tariki:

1214:  Louis IX of France nibwo yavutse aza kwitaba Imana muri 1270

1940: Al Pacino, Umukinnyi n’umuyobozi w’amafilime w’umunyamerika ni bwo yabonye izuba

1949: Dominique Strauss-Kahn, umunyapolitike, umunyamategeko n’umuhanga mu by’ubukungu, yabaye ministiri w’imari w’u Bufaransa ni bwo yavutse

1987: Jay Park, Umuhanzi, umwanditsi w’indirimbo n’umubyinnyi w’umunyamerika ufite inkomoko muri Koreya y’amajyepfo nibwo yavutse.

Abitabye Imana kuri iyi tariki:

1994: Abatutsi biciwe mu bice bitandukanye by’igihugu mu gihe cya Jenoside.

2003: Samson Kitur, Umunyakenya wakoraga umwuga wo kwiruka yitabye Imana.

Uyu munsi ni umunsi wa malaria World Malaria Day

Uyu munsi ni umunsi wa DNA, kiliziya irizihiza mutagatifu Mariko