RFL
Kigali

Abanyeshuri ba Kaminuza ya Kigali bafashije abatishoboye babagenera ubwisungane mu kwivuza

Yanditswe na: Manirakiza Théogène
Taliki:1/12/2015 18:32
3


Abanyeshuri bo muri Kaminuza ya Kigali (University of Kigali) biyemeje kugira uruhare mu kubaka igihugu no gufasha abatishoboye, babinyujije mu ihuriro ry’umuryango FPR Inkotanyi muri iri shuri bakaba bakoranye umuganda rusange n’abaturage banafasha abatishoboye 50 babagenera ubwisungane mu kwivuza.



Kuwa Gatandatu tariki 28 Ugushyingo 2015, umunsi hirya no hino mu Rwanda hakorwaga umuganda rusange, abanyeshuri bo muri Kaminuza ya Kigali barangajwe imbere n’abanyamuryango ba FPR Inkotanyi muri iyi Kaminuza, bakoranye umuganda n’abaturage bo mu mudugudu wa Masangano mu kagari ka Kabuye ko mu murenge wa Gatsata mu karere ka Gasabo, banatangira ubwisungane mu kwivuza abatishoboye 50 muri uyu mudugudu.

uk

Abanyeshuri ba Kaminuza ya Kigali bahaguruka berekeza aho bakoreye iki gikorwa

uk

Abanyeshuri ba Kaminuza ya Kigali bahaguruka berekeza aho bakoreye iki gikorwa

Iki gikorwa cyari kirimo na bamwe mu bayobozi bo muri Kaminuza ya Kigali bifatanyije n’abanyeshuri muri iki gikorwa mu rwego rwo kubashyigikira muri gahunda zo kubaka igihugu, mu bayobozi bari bahagarariye Kaminuza hakaba harimo Munyaneza Denis uhagarariye abanyeshuri (Guild President) muri iyi Kaminuza, hakaba umuyobozi muri Kaminuza ushinzwe abanyeshuri (Dean of Students); Maitre David Rugaza n’abandi batandukanye.

uk

uk

uk

uk

Abanyeshuri, abaturage n'abayobozi mu nzego z'ibanze bakoranye umuganda

uk

Abanyeshuri, abaturage n'abayobozi mu nzego z'ibanze bakoranye umuganda

Abatishoboye bishyuriwe ubwinshingizi mu buvuzi

uk

uk

Abatishoboye bishyuriwe ubwisungane mu buvuzi

Abayobozi bagejeje ku batishoboye inkunga y'ubwisungane mu kuvuza yatanzwe n'aba banyeshuri

uk

Abayobozi bagejeje ku batishoboye inkunga y'ubwisungane mu kwivuza yatanzwe n'aba banyeshuri

Ibikorwa by’aba banyeshuri byashimwe cyane n’abaturage ndetse n’abayobozi bo mu nzego z’ibanze, umukuru w’umudugudu wa Masangano; Bahati Kamuzinzi P. Claver akaba yaragaragarije aba banyeshuri ibyishimo we n’abaturage ayoboye batewe n’iki gikorwa. Umunyamabanga nshingwabikorwa w’akagari ka Kabuye; Jacqueline Mushimiyimana, nawe yashimiye cyane aba banyeshuri ku gikorwa cyiza bakoze.

 






TANGA IGITECYEREZO

Izina ryawe
Email yawe
Andika igitecyerezo

IBITECYEREZO

  • Rushema Christian8 years ago
    Turashimira cyane abateguye iki gikorwa ndetse n'abagishyize mu bikorwa. Ibi byose tubikesha ubuyobozi bwiza n'umuyobozi wacu mwiza Nyakubahwa Paul Kagame udahwema kudushishikariza kwigira no kwiyubakira igihugu. Urubyiruko turi imbaraga z'igihugu kandi amaboko yacu agomba gukorera urwatubyaye. Nishimiye kuba umunyarwanda kandi nishimiye kuba umunyeshuri wa kaminuza ya Kigali (UoK). Murakoze!
  • 8 years ago
    iki ni gikorwa kiza kandi cy'ingirakamaro yaba kuri abo batishoboye bafashijwe ndetse nabanyarwanda twese muri rusange byerekana ko hari aho tuva kandi n'aho tugana heza kurusha aho twari turi uok nikomereze aho ndetse nizindi kaminuza zirebereho, gusa k'uruhande rwa university of kigali byaba byiza ubutaha igihe habaye igikorwa nkiki cy'inyungu ruzange bavugurura uburyo bw'imenyekanisha n'ihanamakuru kugira ababyifuza bose babyitabire bityo tugafatanya kubaka urwatubyaye ibintu ntibibe ubwiru ngo usange bamwe turabibona mu binyamakuru gusa tutarigeze tunamenya niba nicyo gitekerezo cyarigeze gitekerezwa kandi twese nkeka ko bitureba murakoze niko mbyumva kugiti cyange
  • prince8 years ago
    thanks mr president kagame and prof.dr nshuti manase





Inyarwanda BACKGROUND