MU MAFOTO:Women Foundation Ministries batangiye igiterane '7 days of worship' bahemburwa na Apotre Apollinaire

Iki giterane kiri kubera ku cyicaro gikuru cya Women Foundation Ministries ku Kimihurura mu mujyi wa Kigali. Imiryango iba ifunguye kuva saa kumi z'umugoroba mu gihe gitangira Saa kumi n'imwe z'umugoroba kugeza Saa Tatu z'ijoro. Kuri iyi nshuro ya 8, iki giterane gifite insanganyamastiko igira iti: "The Torn Cutain" ugenekereje mu rurimi rw’ikinyarwanda bivuze 'Umwenda watabuwemo' akaba ari amagambo aboneka mu gitabo cya Matayo 27:51."

Apotre Apollinaire yahembuye abitabiriye igiterane 7 Days of worship

Ubwo hatangizwaga iki giterane kuri iki cyumweru, abacyitabiriye bagize umugisha wo kubana n'umuramyi Apotre Apollinaire Habonimana bafatanya na we mu ndirimbo ze zinyuranye zo kuramya no guhimbaza Imana. Abaririmbyi bagize Preciouse stone (Worship team ya Noble Family Church na Women Foundation Ministries nabo bajyanye benshi mu bihe byo kuramya Imana.  Hari kandi umukozi w’Imana wo mu gihugu cy'abaturanyi cya Repubulika Iharanira Demokarasi ya Congo, uwo akaba ari Prophet Ken Muyaya.

Prophet Ken Muyaya ni we wigishije ijambo ry'Imana

Apostle Alice Mignonne Kabera umushumba mukuru wa Noble Family church akaba n'umuyobozi mukuru wa Women Foundation Ministries itegura iki giterane, yahaye ikaze abashyitsi abasabira umugisha ku Mana abashimira ku bwo kwitangira umurimo w'Imana. Yasabye abitabiriye iki giterane kuzacyitabira n'indi minsi isigaye kugira ngo hatazagira ucikanwa n'ibyiza bahishiwe na Mwuka Wera. Twabibutsa mu bandi bategerejwe muri iki giterane kizamara iminsi irindwi harimo umuramyi Dudu umaze igihe aba mu gihugu cya Kenya ariko akaba ari umuhanzi w'umurundi ukunzwe n'abatari bacye mu Rwanda.

REBA AMAFOTO Y'UKO BYARI BIMEZE

Igiterane cyatangijwe na gahunda yo kuramya Imana

Bafashijwe mu buryo bukomeye

Apostle Mignonne yapfukamye hasi asabana n'Imana

Bagize umugisha wo gutangirana igiterane na Apotre Apollinaire

Apotre Apollinaire mu giterane '7 Days of worship'

Apotre Mignonne yafashijwe cyane

Ikimenyetso cyo gufashwa n'ijambo ry'Imana

Urebye gusa iyi foto wahita wibwira icyari kibaye kuri Apotre Apollinaire

Pastor Liz Bitorwa ati "Icyubahiro ni icy'Imana"

Apotre Mignonne umuyobozi mukuru wa Women Foundation Ministries

Prophet Ken Muyaya mu giterane '7 Days of worship'

Preciouse stone bafashe ifoto y'urwibutso

Bamwe mu bari bashinzwe kwakira abantu

KANDA HANO UREBE ANDI MAFOTO MENSHI

AMAFOTO: Sabin Abayo-Afrifame Pictures