Uruzinduko rwa Papa muri Kenya rwahinduye ibintu runahesha abaturage ikiruhuko - AMAFOTO

Papa Francis wageze mu mujyi wa Nairobi ku mugoroba wo kuri uyu wa Gatatu, yabonanye na Perezida Uhuru Kenyatta wa Kenya ndetse anagira ubutumwa ageza ku baturage n’abayobozi ba Kenya mu nzego zitandukanye, ibiganiro bikaba byabereye mu ngoro ya Perezida wa Kenya, gusa uruzinduko rwe nyirizina rukaba ruteganyijwe kuri uyu wa Kane aho aza kurusoza yerekeza mu gihugu cya Uganda mu masaha y’umugoroba.

Papa Francis yakiranywe urugwiro mu gihugu cya Kenya

Papa Francis imbere y'imbaga y'abayobozi batandukanye muri Kenya

Kenya iheruka gusurwa na Perezida Obama mu mezi macye ashize, n’ubwo Obama yakiranywe urugwiro n’ibyishimo bidasanzwe, ntabwo higeze hatangwa umunsi w’ikiruhuko ariko kuri iyi nshuro Leta yemeje ko kuri uyu wa Kane nta kazi gakorwa muri iki gihugu, bitewe ahanini n'impinduko zikaze haba mu gukaza umutekano, gufunga imihanda imwe n'imwe, kuba abaturage benshi barahiye kubonana na Papa n'ibindi byatumye ibintu bihindura isura Leta ikiyemeza gutanga umunsi w'ikiruhuko.

Perezida Uhuru Kenyatta yeretse Papa ko bamwishimiye cyane muri Kenya

Abayobozi batandukanye muri Kenya bari bitabiriye umuhango wo kwakira Papa

Kibaki wigeze kuyobora igihugu cya Kenya nawe yari ahari

Abihaye Imana ba Kiliziya Gaturika bari benshi kandi bishimiye kwakira uyu mushumba

Abantu batandukanye bifashe amafoto y'urwibutso na Papa Francis

Biteganyijwe ko Papa Francis aza kubonana n’abantu batandukanye muri iki gihugu barimo abepisikopi n’abandi bihaye Imana batandukanye, ariko akaba aza kugira n’umwanya wo kuganira n’abaturage basaga miliyoni mu mujyi wa Nairobi muri Kenya, uyu ukaba wabaye umunsi udasanzwe muri iki gihugu.