True Promises yakoranye umuganda rusange n’abaturage b’i Muyange bibera abandi urugero rwiza-AMAFOTO

True Promises hamwe n’abaturage b'akagari ka Muyange bakoze umuganda wo kubaka inzu izakorerwamo n’ubuyobozi bw’akagari ka Muyange gaherereye mu karere ka Kicukiro mu mujyi wa Kigali nk’uko Inyarwanda.com yabitangarijwe na Tresor Ndayishimiye umwe mu bayobozi ba True Promises akaba ari nawe watangije iri tsinda rikunzwe n’abatari bacye mu Rwanda.

Iki gikorwa cy’umuganda cyakozwe na True Promises cyashimishije benshi mu baturage b’akagari ka Muyange ndetse biba inkuru nziza ku bakristo bumvise aya makuru basaba ko n'abandi baririmbyi bakwigira kuri True Promises. Bamwe mu baganiriye na Inyarwanda.com bavuze ko abahanzi n’abaririmbyi bakwiye kujya bitabira umuganda n’izindi gahunda za Leta, ivugabutumwa bakora ntirigarukire gusa mu kuririmba.

True Promises yagiranye ibihe byiza n’abaturage bitabiriye uyu muganda dore ko aba baririmbyi banyuzagamo bakaririmba zimwe mu ndirimbo zabo ndetse bagatera n’urwenya. Ubuyobozi bw’akagari ka Muyange bwashimiye cyane abaririmbyi ba True Promises. Samu Nkurunziza ukuriye Njyanama y’umurenge wa Kagarama wari umushyitsi mukuru muri iki gikorwa, na we yashimiye cyane aba baririmbyi abasaba kubikomeza.

Reba amafoto y'uko byari bimeze muri uyu muganda witabiriwe na True Promises

Bonnke Mbonigaba (wambaye umweru hejuru) uyobora True Promises mu muganda rusange

Abaririmbyi ba True Promises batunda amatafari yo kubakisha inzu izakoreramo akagari ka Muyange

Bakoze umuganda baririmba'Mana Urera' n'izindi

Nyuma y'umuganda habayeho gusabana

Bamwe mu baririmbyi bagize itsinda True Promises

REBA HANO 'MANA URERA' YA TRUE PROMISES