Mu mpera z'uyu mwaka, tariki 28-31/12/2017, Itorero Soul Healing Revival church rizaba riri mu giterane gisoza umwaka kizarangwa n'ubuhanuzi. Ni igiterane cyatumiwemo abakozi b'Imana batandukanye ndetse n'amatsinda anyuranye.
Prophet Claude ukuriye itorero Soul Healing Revival church ryateguye iki giterane, yabwiye Inyarwanda.com ko iki giterane bagiye kwinjiramo gifite umwihariko utandukanye n'uw'ibindi bajyaga bakoze muri uyu mwaka kuko cyo kizaba ari icyo gusoza umwaka no kwinjira mu mwaka mushya. Yakomeje avuga ko abazakitabira bazashima Imana kubwa byinshi yabakoreye muri uyu mwaka wa 2017 ndetse banakire ubuhanuzi bw'umwaka mushya wa 2018.
Tariki 28-30/12/2017 iki giterane cyo kuramya no guhimbaza Imana, kizajya gitangira saa cyenda z'amanywa kugeza saa moya n'igice. Tariki 31/12/2017 kizatangira saa mbiri z'umugoroba kugeza saa kumi n'ebyiri za mu gitondo, ni ukuvuga kugeza mu gitondo cyo kuwa mbere tariki 1/1/2018. Iki giterane kizajya kibera ku Gisozi mu Gakinjiro ku Umukindo Center ari naho iri torero rikorera nyuma kwimuka aho ryahoze rikorera i Kacyiru.
Prophet Claude ukuriye itorero Soul Healing Revival church
Apostle Mupenzi na Prophet Ruzindana ni bo bakozi b'Imana batumiwe muri iki giterane akaba ari nabo bazigisha ijambo ry'Imana. Hatumiwe kandi amatsinda y'abaririmbyi anyuranye aho twavugamo Kingdom of God Ministries izwi mu ndirimbo Sinzava aho uri, Heman Worshipers International izwi mu ndirimbo Nimetosheka na The Power of the cross ikunzwe muri iyi minsi mu ndirimbo Super power. Aba baririmbyi batumiwe baziyongera kuri Soul Healers worship team yo mu itorero Soul Healing Revival church ryateguye iki giterane.
Prophet Claude avuga ko iki giterane kizarangwa n'ubuhanuzi
Eng
RSS 
TANGA IGITECYEREZO