Rehoboth Ministries imwe mu makorali yanditse amateka hano mu Rwanda yongeye kubura undi muririmbyi wayo ari we Mutware Alexandre witabye Imana azize uburwayi yari amaze amezi 8 yivuriza muri Kenya mu mujyi wa Nairobi nk'uko Inyarwanda.com yabitangarijwe n’umuyobozi wa Rehoboth Ministries.
Urupfu rwa Mutware Alexandre ruje rukurikira urwa Nabigazi Aline na we waririmbaga muri Rehoboth Ministries witabye Imana tariki 19 Mata 2016 azize indwara y’ubwandu bwo mu maraso (infection), akagwa mu bitaro bya Aga Khan muri Kenya aho yari yaragiye kwivuriza.
Nk’uko Inyarwanda.com yabitangarijwe na Patrick Munini uyobora Rehoboth Ministries, nyakwigendera Mutware Alexandre witabye Imana mu ijoro ryacyeye rishyira tariki 18 Gashyantare 2017, yari umunyamuryango wa Rehoboth Ministries kuva 1995. Yafashwe n'indwara yo mu muhogo mu kwezi kwa Gatanu 2016 bigeze mu kwezi kwa munani biba ngombwa ko ajya kwivuza i Nairobi.
Nyakwigendera Mutware Alexandre waririmbaga muri Rehoboth Ministries
Nyakwigendera Mutware yavuriwe mu bitaro bya Agakhan Hospital, akorerwa ibizame byinshi bishoboka, aho yababaraga mu muhogo. Abaganga basanze afite akabyimba mu muhogo kamuteraga gukorora cyane no kudashobora kuvuga. Yavuwe n'abaganga batandukanye bamukorera ibizame bitandukanye, bakomezaga kumuha imiti, gusa bananirwa gufata icyemezo cyo kumukorera operation.Yakomeje kuvurirwa mu bindi bitaro bya Kijabe Hospital Kenyata ndetse n'ahandi ariko hose ntacyo byamufashije. Azize uburwayi bwo mu muhogo akaba yaramanze amezi 8 arimo kuvurwa.
Nyakwigendera Mutware yari umugabo mwiza w'imfura, w'umugwaneza cyane, ucisha make, ukunda abantu. Asize umugore umwe n'abana 5, abahungu 2 n'abakobwa 3. Patrick Munini yasoje agira ati “Mutwari Alexandre ni umugabo wakoreye Imana mu gihe cye, none ashoje ikivi cye, abasigaye tuzamusanga. Imana imuhe kuruhuka mumahoro kandi ihumurize abasigaye bose."
Nabigazi Aline witabye Imana umwaka ushize wa 2016
REBA HANO ICYO YAVUZE YA REHOBOTH MINISTRIES
REBA HANO UMWEMA YA REHOBOTH MINISTRIES
Eng
RSS 
TANGA IGITECYEREZO