RFL
Kigali

Pappy Patrick Nkurunziza yashyize hanze indirimbo nshya 'Amakamba y'ishimwe' iri mu njyana ya Afrobeat-YUMVE

Yanditswe na: Mupende Gedeon Ndayishimiye
Taliki:4/11/2017 21:50
0


Umuhanzi Pappy Patrick Nkurunziza uba muri Canada yamaze gushyira hanze indirimbo nshya yise 'Amakamba y'ishimwe' iri mu njyana ya Afrobeat ari nayo yahisemo mu muziki we akora wi kuramya no guhimbaza Imana.



Nkurunziza Patrick uzwi nka Pappy Patrick mu muziki ni umusore w’umunyarwanda uri muri Canada ku mpamvu z’amasomo aho ari kwiga icyiciro cya gatatu cya kaminuza, agafatanya amasomo n’umuziki. Pappy Patrick urimo gutegura album ye ya mbere 'Inshuti nziza' ateganya kumurika umwaka utaha, yasohoye indirimbo nshya 'Amakamba y'ishimwe', imwe mu ndirimbo zizaba ziri kuri iyi album. 

UMVA HANO 'AMAKAMBA Y'ISHIMWE' YA PAPPY PATRICK

Pappy Patrick

Aganira na Inyarwanda.com, Pappy Patrick Nkurunziza yagize ati: "Iyi ndirimbo isobanuye byinshi ku buzima bwanjye nabayemo ndetse nkeka ko nta muntu kamara hari n’abandi yafasha nibayumva kuko ubwira uwumva ntavunika, singombwa ko iba ndende cyaneeeee rero yantwaye agahe gato ko kuyikorera beat no kuyiririmba, muri njye hazamutsemo ikimeze nk’ihishurirwa numva nshatse kuririmba ako kanya ntaho nanditse ahubwo ngendeye ku bibazo bitandukanye byabaye ku isi biyiriho kandi bizahoraho mu isi birimo; Intambara, ubukene, indwara,kwibona no kwikunda birenze cyane"

UMVA HANO 'AMAKAMBA Y'ISHIMWE' YA PAPPY PATRICK

Pappy Patrick yakomeje agira ati: "Ibyahanuriwe iminsi ya nyuma by’umwihariko byugarijwe n’abemera Mana mbese ubutumwa burimo numva ncatse kubusakaza kuri bose ngira nti: Ntihakagire ugira ubwoba bw’ibyo ari byo byose acamo akiri ku isi kuko igihe kizagera tugataha mu ijuru ku Mana nyuma yo kugeragezwa na byinshi buri umwe kuko ibigeragezo ari rusange mu isi hose, hari igihe bamwe batekereza ngo ngeze iburayi cyangwa muri Amerika n’ahandi ni ho byagabanuka cyangwa bigashira burundu ariko ni ukwibeshya cyane keretse mu ijuru nubwo turatarahagera ni ho twizera ko tuzambikirwa amakamba y’ishimwe ku bakorera Imana bose bakayizera bagategereza bihanganye."

UMVA HANO 'AMAKAMBA Y'ISHIMWE' YA PAPPY PATRICK







TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND