Kuva mu ntangiriro z’ukwezi kwa Nzeli uyu mwaka kugeza uyu munsi twandikiyeho iyi nkuru, Gaby Irene Kamanzi ari kubarizwa ku mubagane w’uburayi aho akomeje kugirira ibihe byiza nk’uko amafoto abigaragaza. Patient Bizimana nawe ari kuri uyu mugabane muri gahunda z'ivugabutumwa.
Tariki 7 Ukwakira 2017 Gaby Kamanzi yahuriye na Patient Bizimana mu gitaramo cyateguwe na korali Sion kibera mu Mujyi wa Bruxelles kuri Rue Birminghan 54, 1080 Bruxelles. Nyuma y'iki gitaramo, mu mafoto yagiye hanze, Patient Bizimana yagaragaye ari gutembera mu Mujyi wa Bruxelles ndetse hari n'aho agaragara ari kumwe na Gaby Irene Kamanzi, umuhanzi mugenzi we ndetse akaba na mushiki we mu buryo bw'umwuka dore ko bombi basengana muri Evangelical Restoration Church iyoborwa na Apotre Masasu Yoshuwa Ndagijimana bakunze kwita Daddy.
Gaby Kamanzi na Patient Bizimana bagize umugisha wo guhurira mu gitaramo i burayi
Gaby Kamanzi na Patient Bizimana i burayi
Gaby Irene Kamanzi uri i Burayi muri gahunda z’ivugabutumwa yatumiwemo mu bihugu bitandukanye bigize uyu mugabane, tariki 9 Nzeri 2017 ni bwo yagaragaye mu gitaramo cya mbere yari yatumiwemo n’umuhanzi Jonathan Niyomwungere. Muri iki gitaramo Gaby Kamanzi yarishimiwe bikomeye na cyane ko ahafite abakunzi batari bacye. Mugenzi we Patient Bizimana nawe yaje kumusanga kuri uyu mugabane w'uburayi ndetse banahurira mu gitaramo tariki 7 Ukwakira 2017 cyateguwe na korali Sion. Nkuko bigaragara mu mafoto, buri umwe akomeje kugirira ibihe byiza i Burayi.
Gaby Kamanzi akigera i burayi mu ntangiriro z'ukwezi kwa Nzeli
Gaby Irene Kamanzi aganira na Inyarwanda.com yashimiye cyane Fortran Bigirimana umuhanzi ukomoka i Burundi wamuhuje na Jonathan Niyomwungere wamutumiye i Burayi. Gaby Kamanzi yagize ati:"Nakiriye neza ubu butumire, ndashimira Fortran Bigirimana ni we wampuje n’uyu muhanzi (Jonathan) ufite gusohora album, Imana imumpere imigisha."
Gaby Kamanzi mu gitaramo yatumiwemo na Jonathan
Nyuma y’igitaramo cyabereye mu Bubiligi, Gaby Irene Kamanzi yaje kwerekeza muri Danemark mu giterane yatumiwemo na Zion Temple. Ni igiterane cyiswe ‘Stand ground in worship like David’ cyabaye tariki 15-16 Nzel i 2017. Tariki 6 Ukwakira 2017, Gaby Kamanzi yataramiye mu Bubiligi kuri Rue Brialmont 7,1210. Hatagize igihinduka, biteganyijwe ko Gaby Kamanzi azaba ari mu Rwanda muri uku kwezi k’Ukwakira 2017 ndetse akaba azitabira n’igiterane 'Gisenyi Miracle Festival' azahuriramo n’abandi bahanzi batandukanye bakomeye mu muziki wa Gospel mu Rwanda.
Patient Bizimana i Burayi ku nshuro ye ya mbere
Patient Bizimana yageze mu Bubiligi ku wa 6 Ukwakira 2017, ataramira ku nshuro ye ya mbere kuri uyu mugabane mu gitaramo cyabereye mu gihugu cy'u Bubiligi aho yahuriye n'umuhanzikazi Gaby Irene Kamanzi wamamaye mu ndirimbo 'Amahoro' n'izindi. Yahahuriye kandi n'abandi bahanzi barimo; Basirwa Mirelle na Nzinga Massamba. Nyuma y'iki gitaramo, Patient Bizimana azakurikizaho muri Danemark, Sweden, Finiland n'u Bufaransa ndetse hari n'igitaramo cye bwite azakorera mu gihugu kimwe cy'i Burayi nkuko yabitangarije Inyarwanda.com.
Patient Bizimana yakirijwe indabo ku kibuga cy'indege cya Brussels
Patient Bizimana yakiranywe urugwiro rwinshi
REBA AMAFOTO YA GABY KAMANZI ARI I BURAYI
Hano ni mu gitaramo Gaby yahuriyemo ba Patient Bizimana
Gaby Kamanzi mu gitaramo cyabereye muri Danemark
Bishimiye cyane guhura na Gaby Irene Kamanzi
Gaby Kamanzi mu bihe byiza i Burayi
Yafashe umwanya wo gutembera i Burayi
Gaby Kamanzi amaze i Burayi ukwezi n'indi minsi
REBA AMAFOTO YA PATIENT MU BIHE BYIZA ARI KUGIRIRA I BURAYI
Patient Bizimana mu mujyi wa Bruxelles
Patient Bizimana yitegereza uyu muturirwa
Patient Bizimana i Burayi muri #Europe Tour
Imbeho y'iburayi na mwe murayizi cyangwa mujya muyumva,.. Patient Bizimana ni uku yagerageje kuyikinga
Patient Bizimanya ateganya kuzava iburayi ahakoreye igitaramo cye bwite
AMAFOTO: Internet
REBA HANO 'KING OF KINGS' YA PATIENT BIZIMANA NA GABY KAMANZI
TANGA IGITECYEREZO