MU MAFOTO: Diana Kamugisha na Rose Ngabo bakoze igitaramo cyanyuze benshi, Apotre Mignonne atanga impanuro

Mu muziki, Diana Kamugisha yamenyekanye cyane mu ndirimbo Impamba,Haguruka,Ku musozi n’izindi akaba yaherukaga gukora igitaramo mu mwaka wa 2016 cyiswe Refresh Worship and Music Festival naho Pastor Rose Ngabo yamenyekanye cyane mu ndirimbo Sinzatinya,Mwami Ndaje n’izindi akaba n’umushumba Mukuru mu itorero Baho Church riherereye i Kabuga. 

Igitaramo cya Diana Kamugisha na Rose Ngabo cyatangiye isaa kumi z'umugoroba, kwinjira byari ubuntu ku bantu bose. Muri iki gitaramo Diana Kamugisha na Pastor Rose Ngabo bari kumwe n'abandi bahanzi barimo Bosco Nshuti, Healing worship team na Dinah Uwera.Usibye aba bahanzi baririmbye hari n'abandi bahanzi banyuranye barimo Tonzi, Aline Gahongayire, The Pink, Phanny Wibabara, Asoumpta Muganwa, Gaby Kamanzi, Kavutse Olivier n'abandi banyuranye. 

Diana Kamugisha na Rose Ngabo imbere y'abakunzi babo

Apotre Alice Mignonne Kabera uyobora Women Foundation Ministries na Noble Family church ni we wigishije ijambo ry'Imana, atanga impanuro ku bantu bose ku kuramya Imana bibavuye ku mutima, abasaba kujya bashimisha Imana bakiri ku isi bagakora ibyubahisha Imana. Apotre Mignonne yagize ati: "Inanga ya Dawadi yacurangiwe mu isi none twe turashaka kuzaririmba neza tugeze mu ijuru? kubera iki? Dukwiriye kunezeza Imana tukiri ku isi". Abantu basaga 20 bakiriye agakiza bafata umwanzuro wo gukurikira Yesu. 

Apotre Mignonne ni we wigishije ijambo ry'Imana

Diana Kamugisha na Rose Ngabo bishimiwe cyane mu gitaramo cyabo bagaragarijemo ubuhanga mu miririmbire yabo buherekejwe n'amajwi yabo meza. Ubwo Diana Kamugisha na Rose Ngabo binjiraga muri iki gitaramo, binjiye mu buryo bwihariye bwanyuze benshi. Diana Kamugisha na Rose Ngabo bakozweho n'igitaramo cyabo, bashimira Imana yabashoboje, banashimira abantu bose babashyigikiye mu buryo bunyuranye yaba mu masengesho, amafaranga ndetse n'ababashije kwitabira igitaramo cyabo. 

REBA AMAFOTO Y'UKO BYARI BIMEZE MU GITARAMO CYA DIANA NA ROSE NGABO

Gaby Kamanzi yitabiriye iki gitaramo

Abantu bagerageje kwitabira nubwo muri Kigali hari habereye ibitaamo byinshi

Ev Becky ni we wayoboye iki gitaramo

Hagurishijwe za Calendar zanditseho Diana Kamugisha na Rose Ngabo

Diana na Rose ubwo bari bageze kuri stage

Apotre Mignonne

Abantu bakozweho cyane

Diana Kamugisha

Rose Ngabo

Basabanye n'Imana mu buryo bukomeye

Pastor Rose Ngabo yahawe impano n'abo mu itorero ayohora (Baho church)

Abashumba basabiye ku Mana abahanzikazi Diana na Rose

Diana Kamugisha hamwe n'umugabo we

Diana Kamugisha na Rose Ngabo hamwe n'abatware babo

Apotre Mignonne yahawe impano

Rose Ngabo hamwe n'umugabo we

Diana Kamugisha hamwe n'umugabo we

Apotre Mignonne ubwo yarimo yigisha ijambo ry'Imana

Abatari bacye bakiriye agakiza

AMAFOTO: Lewis Ihorindeba_Inyarwanda.com