Miss Irene Bellange Muhikira watorewe kuba Nyampinga wa kaminuza ya UNILAK muri 2011 ndetse kugeza ubu akaba ari we ucyambaye ikamba dore ko nta wundi mukobwa wigeze atorwa ngo amusimbure, yarushinze kuri uyu wa Gatanu tariki 27 Nyakanga 2018.
Miss Irene Bellange Muhikira uzwi ku kazina ka Bella yarushinganye na Burabyo Ghislain bamaze igihe kitari gito bari mu rukundo bagize ibanga. Uyu Burabyo Ghislain ni mukuru w'umuhanzi Yvan Buravan. Kuri uyu wa Gatanu ni bwo Miss Bellange na Burabyo Ghislain basezeranye imbere y'Imana mu muhango wabereye muri Zion Temple Gatenga, basezeranywa n'Intumwa y'Imana, Dr Paul Gitwaza.
Apotre Gitwaza ni we wasezeranyije Miss Bellange na Ghislain
Aba bombi bambikanye impeta mu birori bibereye ijisho. Ni ibirori bakoze nyuma y'iminsi micye bakoze imihango yo gusaba no gukwa yabaye tariki 15 Nyakanga 2018, ikabera mu karere ka Kicukiro. Ni nyuma kandi y'iminsi micye basezeranye imbere y'amategeko. Nyuma yo gusezerana imbere y'Imana, abatumiwe mu bukwe bagiye kwiyakirira mu busitani bwa Rebero Heaven ku Kicukiro mu mujyi wa Kigali. Miss Bellange na Ghislain bambariwe na bamwe mu bantu bazwi cyane mu myidagaduro ya hano mu Rwanda barimo Yvan Buravan, Andy Bumuntu, Roi G, Germain uzwi muri The Blessing Family ndetse na Diane Umutesi watorewe kuba Miss KIM muri 2012.
Miss Bellange na Ghislain hamwe n'ababambariye
Miss Bellange Muhikira mu gatimba
Miss Irene Bellange Muhikira yatorewe kuba Nyampinga wa mbere wa kaminuza ya UNILAK kuwa 25 Nzeli 2011, atangira inshingano ze mu mwaka wa 2012. Arinze akora ubukwe ari we ucyambaye ikamba rya Miss UNILAK kuko hatigeze hatorwa undi Nyampinga umusimbura. Kuba UNILAK itaratoye usimbura Miss Bellange, byatumye hari abamuhimba akazina ka Nyampinga w'ibihe byose wa kaminuza ya UNILAK.
REBA MU MAFOTO UKO UBU BUKWE BWGENZE
Ubwo bari bageze kuri Zion Temple mu Gatenga
Abageni binjira mu rusengero
Apotre Gitwaza abasezeranya kubana akaramata
Miss Bellange n'umukunzi we basomanye biratinda,....
KANDA HANO UREBE ANDI MAFOTO MENSHI
AMAFOTO:Iradukunda Desanjo-Inyarwanda.com
Eng
RSS 
TANGA IGITECYEREZO