Beauty For Ashes basohoye indirimbo 'Yesu niwe Boss' bakoranye na NPC-YUMVE

'Yesu ni we Boss', ni indirimbo nshya ya Beauty For Ashes bakoranye n'umuraperi NPC wahoze akora umuziki usanzwe akaza gukizwa agatangira kuririmbira Imana. Iyi ndirimbo nshya ya Beauty For Ashes yagiye hanze ku mugoroba w'uyu wa Gatanu. Ni indirimbo igiye hanze nyuma y'izindi zinyuranye bamaze gukora harimo: 'Yesu Ni Sawa' yabahesheje igikombe cya Groove Award muri 2017, Siripurize, Turashima n'izindi.

"Niba ari Yesu wabivuze uraje ubibone bisohora. Abambaye ubusa ni we uzabambika, ababuze inshuti, ni we udahemuka, ijambo rye ni rizima, ijambo rye ntirihera." Ayo ni amagambo agize inyikirizo y'iyi ndirimbo nshya 'Yesu ni we Boss' ya Beauty For Ashes na NPC. Umuraperi NPC yumvikana muri iyi ndirimbo amanuka imirongo ati:

Uko bimeze kose uko wabifata kose, oya ni yo ibikora (Imana), yitwa Mudahemuka, oya ntahinduka, urukundo rwo ni rwinshi ibyo yakoze byo byinshi, amashimwe yo ni menshi, nzabivuga kenshi, Yesu arampagije,..kuko ni we byose kandi afite byose, ni we byose muri byose, ibyo yasezeranye byose nzi ko bidahinduka, Yesu ni we boss!

UMVA HANO 'YESU NI WE BOSS' YA BEAUTY FOR ASHES FT NPC

Beauty For Ashes basohoye iyi ndirimbo nshya mbere y'amasaha macye bagakora igitaramo gikomeye batumiyemo abanyamuziki Christafari Band bakunzwe ku isi mu njyana Reggae, ndetse magingo aya bari kubarizwa mu Rwanda. Ni igitaramo kiba ku wa Gatandatu tariki 04/08/2018 kuva Saa kumi n'imwe z'umugoroba, kibere Camp Kigali. Kwinjira ni 5,000Frw mu myanya isanzwe naho mu myanya y'icyubahiro akaba ari 10,000Frw. 

REBA HANO 'HOSANNA' YA CHRISTAFARI

Igitaramo Beauty For Ashes bakora kuri uyu wa Gatandatu

UMVA HANO 'YESU NI WE BOSS' YA BEAUTY FOR ASHES FT NPC