Itsinda New Melody ryashyize hanze indirimbo nshya ryise Akira ihumure Rwanda ikubiyemo umutumwa buhumuriza abanyarwanda muri ibi bihe byo kwibuka ku nshuro ya 23 Jenoside yakorewe Abatutsi muri Mata 1994. Aba baririmbyi baturuka mu matorero atandukanye batangarije Inyarwanda.com ko mu minsi micye bazashyira hanze amashusho y'iyin ndirimbo.
Neema Marie Jeanne umwe mu bagize New Melody yabwiye Inyarwanda.com ko iyi ndirimbo yabo 'Akira ihumure Rwanda' bayikoze bashingiye ku ijambo ry'Imana riri muri Yeremiya 29:11. Yakomeje agira ati "Twayobowe n'Umwuka Wera kubwira u Rwanda ko Imana igambiriye ibyiza. Nitwemerere umucyo w'agakiza gukomeza kutumurikira maze Imana ikomeze idusakazeho ibyiza".
Abajijwe na Inyarwanda.com ubutumwa bifuje gutambutsa muri iyi ndirimbo yabo, Neema Marie Jeanne yagize ati "Muri make iyi ndirimbo ikubiyemo ubutumwa buhumuriza abanyarwanda. Nubwo amateka yacu yabaye mabi ntitugaheranwe nayo ahubwo duhumure, dukomere kuko umugambi w'Imana kuri twe ari mwiza"
UMVA HANO 'AKIRA IHUMURE RWANDA' INDIRIMBO NSHYA YA NEW MELODY
Eng
RSS 
TANGA IGITECYEREZO