Korali Abahamya ba Yesu igiye kumurika album ebyiri z’amashusho inizihize isabukuru y’imyaka 30-IKIGANIRO

Korali Abahamya ba Yesu izizihiza isabukuru y’imyaka 30 mu gitaramo kizaba tariki 22/10/2017 kikabera mu mujyi wa Kigali i Nyamirambo ku rusengero rw’Abadivantiste b’Umunsi wa Karindwi. Muri iki gitaramo, korali Abahamya ya Yesu izaba inamurika album ebyiri z’amashusho ari zo album DVD 5 igizwe n’indirimbo ziri mu rurimi rw'Igiswahiri ndetse na album DVD 6 igizwe n’indirimbo ziri mu Kinyarwanda. Kwinjira muri iki gitaramo ni ubuntu ku bantu bose.

Korali Abahamya ba Yesu

Mu kiganiro Inyarwanda.com yagiranye n’umuyobozi wa korali Abahamya ba Yesu, Sindambiwe John yadutangarije ko muri iki gitaramo bazaba bari kumwe n’amakorali atandukanye arimo; Abakurikiyeyesu, Light Family y’i Rubavu, Intwari za Kristo, Ababimbuzi ndetse na Yesu araje. Abajijwe impamvu iki gitaramo bagiye kugikorera i Nyamirambo mu gihe bo babarizwa ku Muhima, yavuze ko muri iyi minsi ku Muhima bari kubaka inyubako nshya y'urusengero.

Korali Abahamya ba Yesu imaze imyaka 30 ikora umurimo w’ivugabutumwa mu ndirimbo dore ko yashinzwe mu mwaka wa 1987 igatangizwa n’abaririmbyi 12. Iyi korali yamamaye cyane mu ndirimbo Uwitwa Yesu. Mu zindi ndirimbo zayo zikunzwe harimo Mugenga, Ibarura n’izindi. Ni korali igizwe n’abaririmbyi bakabakaba 50, ikaba imaze gukora indirimbo nyinshi zisaga 500 nkuko Inyarwanda.com yabitangarijwe na Sindambiwe John.

UMVA HANO IKIGANIRO INYARWANDA YAGIRANYE NA SINDAMBIWE JOHN UYOBORA KORALI ABAHAMYA BA YESU

Korali Abahamya ba Yesu mu myiteguro yo kumurika album DVD nshya

UMVA HANO IKIGANIRO INYARWANDA YAGIRANYE NA SINDAMBIWE JOHN UYOBORA KORALI ABAHAMYA BA YESU

REBA HANO 'BARAHIRWA' YA KORALI ABAHAMYA BA YESU