Itorero WSCR (Wells Salvation Church Rwanda) bisobanuye Itorero ry’Amariba y’agakiza ryateguye igiterane cy’ivugabutumwa cyo gusengera abashumba baryo kikazaba tariki ya 19 kugeza 26 Ukwakira 2014, umuhango nyirizina wo kubasengera ukazaba tariki ya 26 Ukwakira 2014 ukazabera kuri Labana Hotel.
Bihonzi Gedeon aganira n’abanyamakuru yatangaje ko iki giterane cyatumiwemo abakozi b’Imana batandukanye barimo na Canon Antoine Rutayisire wo mu Rwanda ndetse na Apotre Mukwiza Simeon uba muri Canada akaba ari nawe uyobora Wells Salvation Church ku isi azaba ahari dore ko ari nawe watangije iri torero hano mu Rwanda tariki ya 1/08/2010.
Bihonzi Gedeon yakomeje atangariza itangazamakuru ko abazasengerwa ari abantu bane, abo bakaba ari Kigabo B. Douglas, Bihonzi Gedeon, Kanyeshyamba Salomon na Mikiza Charles. Usibye abo bashumba bazasengerwa, muri uwo muhango biteganijwe ko hazasengerwamo abakuru b’itorero batanu n’abadiyakoni 10.
Muri icyo giterane batumiyemo Rehoboth Ministries dore ko kuri iryo torero ari naho ibarizwa, hazaba hari kandi na Alarm Ministries, Gisubizo Choir n’abandi baririmbyi batandukanye. Iki giterane kizajya kibera kuri WSCR ku Kimironko, kizajya gitangira kuva isaa kumi n’imwe n’igice kugeza isaa moya z’umugoroba kandi kwinjira ni ubuntu.
Eng
RSS 
TANGA IGITECYEREZO