‘Ingabire’ ni indirimbo yanditswe n’umunyamakuru Issa Karinijabo ayihurizamo abahanzi batandukanye bakora umuziki wo kuramya no guhimbaza Imana. Iyo ndirmbo yakozwe ku bufatanye na Hear Records, yamaze kugera hanze.
Abahanzi bumvikana muri iyi ndirimbo ‘Ingabire’ yanditswe na Issa Karinijabo, harimo: Aline Gahongayire, Babou, Dorcas Ashimwe (Blessed sisters), Olivier Roy, Rachel wo muri Tehillah, Lydia wo muri Power of cross na True Promises na producer Peniel ari na we wakoze iyi ndirimbo.
UMVA HANO 'INGABIRE' INDIRIMBO IRIMO ABAHANZI BATANDUKANYE
Issa Karinijabo wanditse iyi ndirimbo
Issa Karinijabo usanzwe ari umunyamakuru kuri Radio Authentic ndetse akaba azwi nk'umwanditsi w'indirimbo zihimbaza Imana, yabwiye Inyarwanda.com ko igitekerezo cy’iyi ndirimbo cyazanywe n’umusore witwa Reagan, wamusaye ko yashakaka abahanzi bayiririmbamo. Nyuma y’amezi abiri ni bwo iyi ndirimbo yatangiye gukorwa. Mu kwezi kwa 3 ni bwo yatangiye gukorwa, ijya hanze mu kwezi kwa Gatandatu. Issa yagize ati:
Indirimbo yitwa Ingabire ni njye (Issa Karinijabo) wayanditse ku gitekerezo cy’umunyamakuru mu gisata cya Gospel uzwi ku izina rya Reagan da promota uba muri Amerika, gusa mbere yo kujyayo yabanje gukorera muri Kenya. Ingabire ni indirimbo ishima Imana gukomera kwayo aho abaririmbyi bashima Imana berekana guhambara kwayo ku kuba ari yo ihebuje byose ariko kandi (Imana) igashimirwa ku kuba yaratanze Ingabire cyangwa se impano mu bantu banyuranye,abahanzi,abashumba n’abandi.
Reagan ni we wagize igitekerezo cyo gukora iyi ndirimbo
Issa Karinijabo yakomeje avuga ko hari abantu bitiranya iyi ndirimbo ye n'izina ry’umuntu mu gihe atari ko bimeze kuko bayikoze mu rwego rwo gushima Imana kubw’ingabire (impano) yatanze ku bantu batandukanye. Muri iyi ndirimbo mu gitero cyayo cya mbere, humvikanamo: Babou, Dorcas na Roy. Inyikirizo yumvikanamo cyane Dorcas. Mu gitero cya kabiri harimo: Aline Gahongayire, Rachel Lydia na Peniel.
UMVA HANO 'INGABIRE' YAHURIWEMO N'ABAHANZI BATANDUKANYE
Eng
RSS 
TANGA IGITECYEREZO