Harabura amasaha macye Tonzi, Gahongayire n’abandi bo muri All in One Gospel Ladies bagahurira mu gitaramo

Tonzi wagize ihishurirwa ryo gutangiza iri huriro, yabwiye Inyarwanda.com ko biteguye bihagije iki gitaramo ndetse amakuru atugeraho ni uko hashize ibyumweru birenga bitatu bitegura iki gitaramo aho babaga basubiramo indirimbo zose bazaririmba bagorora amajwi ndetse basaba Imana kuzabana na bo. Agashya ni uko muri iki gitaramo, buri muhanzikazi ubarizwa muri uyu muryango, azashyira hanze amashusho y’indirimbo ye nshya. Akandi gashya ni uko uzishyura 10.000Frw azahabwa impano ya DVD irihi indirimbo nshya z'amashusho z'abahanzikazi bagize iri huriro.

‘All Gospel in One Gospel Ladies’ ni umuryango watangijwe na Tonzi mu rwego rwo kwishyira hamwe nk'abahanzikazi bo muri Gospel bagashyigikirana mu buhanzi bwabo. Ni umuryango ugizwe n’abahanzikazi 11 ari bo: Gaby Kamanzi, Diana Kamugisha, Tonzi, Aline Gahongayire, Phanny Wibabara, Rachel Rwibasira, Pastor Jackie Mugabo, Pastor Rose Ngabo, Asumpta, Alice Tonny na Karen.

Tonzi ni we watangije umuryango All in One Gospel Ladies

Ku nshuro ya kabiri abagize iri huriro bagiye kongera gukora igitaramo cyo kuramya no guhimbaza Imana,banamurika indirimbo zabo nshya z’amashusho, kikaba giteganyijwe tariki 5 Werurwe 2017 kuva isaa kumi n’ebyiri z’umugoroba, kwinjira akaba ari 5000Frw mu myanya isanzwe ndetse na 10.000Frw mu myanya y’icyubahiro ugababwamo na DVD ikubiyemo indirimbo nshya z'aba bahanzikazi.

Icyo gitaramo gifite insanganyamatsiko iboneka muri Zaburi 23:1. Aba bahanzikazi bakaba bafite intero ivuga ko ubumwe ari imbaraga zikomeye (Unity is power). Tariki ya 14 Ukuboza 2016 ni bwo aba bahanzikazi bakoze igitaramo cya mbere cyo gutangiza ku mugaragaro uyu muryango, banamurika Album DVD ikubiyeho indirimbo zabo 11 z'amashusho aho buri muhanzi yari afitemo indirimbo ye. Ni igitaramo cyishimiwe na benshi ndetse aba bahanzikazi basabwa n'abacyitabiriye ko igitaramo cy'icyo cyajya kiba kenshi mu mwaka.

REBA HANO INDIRIMBO NSHYA ABA BAHANZIKAZI BISE WOMAN OF HONOR