Bishop Daniel Obinim ukuriye itorero International God's Way Ministries ryo mu gihugu cya Ghana, ahamya ko mu bushobozi Imana yamuhaye, ashobora kwihindura inzoka, nyuma y’igihe runaka akongera akaba umuntu.
Nk’uko bitangazwa na Dailyguideafrica na Citifmonline, Bishop Daniel Obinim iby’uko ashobora kwihindura inyamaswa iyo ariyo yose akaba yakwihindura nk’inzoka akarya abantu batabanye neza abasanze mu ngo zabo, yabitangarije kuri Televiziyo ye yitwa OBTV mu minsi ishize.
Bishop Daniel Obinim avuga ko Se ari Yesu Kristo nawe ngo ufite ububasha bwo kwihindura inzoka. Icyo gihe yavuze ko ashobora guhinduka inzoka akinjira mu cyumba icyo aricyo cyose akarya abanzi be, abo yarumye, bugacya bapfuye.
Pasiteri nkanjye, nshobora kwihindura inyamaswa iyo ariyo yose, nshobora no kwihindura inzoka nkaza nkakuruma nkusanze mu cyumba cyawe, mu gitondo gikurikiyeho mukumva amakuru ko hari umuntu wapfuye azira kurumwa n’inzoka, namuteza gupfa.
Bishop Daniel Obinim wo muri Ghana
Muri icyo kiganiro yagiriye kuri Televiziyo ye, Bishop Daniel yavuze ko bwa mbere ajya guhinduka inzoka ngo yari mu mwuka, ari kumwe na Yesu amuhagaze iruhande, amuhindura inzoka, nawe (Yesu)yihindura intare. Avuga ko abanya Ghana batari babona amavuta amuriho, ayo ahamya ko Yesu yamuhaye.
Nyuma y’ibyatangajwe na Bishop Daniel Obinim, hari abakristo benshi bo muri Ghana batabyemeye bavuga ko ari ubuyobe kuko nta mukozi w’Imana ukwiye kuvuga ko Imana yamuhaye ububasha bwo kwihindura inyamaswa.
Cwesi Oteng, umuhanzi mu ndirimbo zihimbaza Imana wo muri Ghana umaze gutwara ibihembo bitandukanye, abinyujije kuri Twitter ye, yashimiye Obinim kubwo gusobanura ku mbaraga z'Imana, ashimangira ko ibyo Bishop Daniel Obinim yavuze byo kwihindura inzoka ari ukuri kuko nta kinanira Imana,ahubwo ngo ababihakana bari kwamamaza satani.
Umuhanzi Cwesi Oteng yemeza ko kwihindura inzoka bishoboka
Mu mwaka wa 2011 Bishop Daniel Obinim yafashwe n'inzego zishinzwe umutekano, yambikwa amapingu arafungwa, akurikiranyweho gusambanya abagore b'abapasiteri.Mu mwaka wa 2014 nabwo Biship Daniel Obinim yavuzweho amakuru atari meza aho uwitwa Afia Schwarzenegger yamushinjaga kumuhamagara kuri terefone buri joro akamubaza ubwoko bw'imyenda yambaye ihisha imyanya ye y'ibanga, n'ibindi byinshi bijyanye no kumushakaho urukundo yitwaje ijambo ry'Imana.
Hano yari yatawe muri yombi na Polisi
Eng
RSS 
TANGA IGITECYEREZO