RFL
Kigali

Gaby Kamanzi na Serge biyongereye ku bahanzi bazafatanya na Fortran mu gitaramo agiye gukorera i Kigali

Yanditswe na: Mupende Gedeon Ndayishimiye
Taliki:30/05/2018 15:28
0


Ku nshuro ya kabiri umuhanzi w'umurundi, Fortran Bigirimana agiye gukorera i Kigali igitaramo cyizwi nka Fragrance of Worship. Abahanzi bazafatanya nawe muri iki gitaramo bamaze gutangazwa. Mu bahanzi bazafatanya, hamaze kwiyongeraho Gaby Irene Kamanzi ndetse na Serge Iyamuremye.



Igitaramo ‘Fragrance of Worship 2018’ Fortran agiye gukorera i Kigali, kizaba tariki 1/07/2018 kibere i Nyarutarama kuri Christian Life Assembly (CLA) kuva isaa kumi n’imwe z’umugoroba. Ni igitaramo Fortran yateguye ku bufatanye na kompanyi yo mu Rwanda izobereye mu gutegura ibitaramo by’abahanzi ba Gospel, iyo akaba ari Moriah Entertainment Group ikuriwe na Eric Mashukano.

Image result for Fortran Bigirimana inyarwanda

Fortran Bigirimana ategerejwe i Kigali

Fortran Bigirimana uzwi cyane mu ndirimbo; Ntaco Nzoba, Amahoro n’izindi, muri iki gitaramo agiye gukorera i Kigali azaba ari kumwe na bamwe mu bahanzi bakomeye mu muziki ku rwego mpuzamahanga, abo akaba ari; Maggie Blanchard wo muri Canada uzwi mu ndirimbo Libere na C’est si bon de louer son nom. Azaba ari kumwe kandi na Dena Mwana wo DR Congo uzwi cyane mu ndirimbo Elombe. Abahanzi nyarwanda bazaririmba muri iki gitaramo ni Gaby Irene Kamanzi na Serge Iyamuremye.

Image result for uMUHANZI Serge Iyamuremye

Serge Iyamuremye yatumiwe mu gitaramo cya Fortran

Kwinjira muri iki gitaramo ‘Fragrance of Worship 2018’, ni 5000Frw ndetse na 10,000Frw. Amatike azatangira kugurishwa mbere y’ukwezi ngo igitaramo kibe, abantu bakazayagura kuri Airtel Money na Mobile Money. Nk'uko twabitangarijwe na Claire S ushinzwe itangazamakuru muri Moriah Entertainment Group, iki gitaramo kizatangira isaa kumi n’imwe z’umugoroba, gusa imiryango ya CLA izaba ikinguye kuva Saa kumi z’umugoroba.

Image result for gaby kamanzi amakuru

Gaby Irene Kamanzi azaririmba mu gitaramo cya Fortran

Muri iki gitaramo, Fortran Bigirimana azaba amurika album ye ya gatatu n’amashusho y’igitaramo yakoreye i Kigali muri 2016 (Ntaco Nzoba Live DVD Recorded in Kigali in 2016). Tariki 8/07/2018, Fortran azahita yerekeza i Burundi ku ivuko mu gitaramo ‘Fragrance of Worship Bujumbura’, mu gihe mu kwezi kwa Nzeli uyu mwaka azaba ari mu Bubiligi nabwo mu gitaramo ‘Fragrance of Worship 2018’.

Tariki 16 Nyakanga 2017 ni bwo Fortran yakoreye i Kigali igitaramo 'Fragrance of worship' cyari kibaye ku nshuro ya mbere. Muri icyo gitaramo, Fortran yari ari kumwe na Chris & Laura bagize itsinda EXO ryamamaye ku isi mu muziki wa Gospel by’umwihariko ku bantu bakunda indirimbo za Gospel ziri mu rurimi rw’igifaransa, Olivier Cheuwa wo muri Busuwisi na Gaby Kamanzi wo mu Rwanda. Ni igitaramo cyakoze ku mitima ya benshi. 

Kamaliza

Igitaramo Fortran agiye gukorera i Kigali






TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND