Davinshi yasohoye amashusho y'indirimbo nshya 'Nzategereza' iri kuri album azamurika uyu mwaka-VIDEO

'Nzategereza' ni indirimbo ya gatandatu (6) Davinshi ashyize hanze ikaba iya gatatu(3) akoreye amashusho, gusa avuga ko n'izindi azashyira hanze amashusho yazo mu gihe cya vuba. Davinshi yabwiye Inyarwanda ko iyi ndirimbo ye nshya atari indirimbo isanzwe gusa ahubwo ko ari n'ubutumwa bubwira abakristu ko bagomba gutegereza Yesu kugeza igihe azazira ntibazacike intege ngo babivemo.

Umuhanzi Davinshi

Akomeza avuga ko iyi ndirimbo ari indirimbo yitayeho kuyikora ku buryo bw'imyandikire,kuyikora muri studio n'amashusho abifashijwemo na Bora production isanzwe inamufasha. Mu kiganiro uyu muhanzi yagiranye na Inyarwanda.com, abajijwe gahunda afite muri uyu mwaka wa 2018, Davinshi yagize ati;

"Ni ugushyira album ya mbere hanze ndetse mfitemo n'amasomo nzajya kwiga kaminuza" Tumubajije uko azahuza umuziki n'amasomo yagize ati: "Yego nzakomeza nkore n'umuziki bizashoboka." Davinshi yashimiye abantu bakomeje kumufasha mu muziki we, ashimira n'abanyarwanda muri rusange abasaba gukomeza kumushyigikira. 

REBA HANO 'NZATEGEREZA' YA DAVINSHI