Brian Blessed wamenyekanye mu ndirimbo 'Dutarame' yakoranye na Jules Sentore na Alpha Rwirangira agiye kumurika album ya mbere yise 'Again and Again' mu gitaramo yatumiyemo abahanzi banyuranye bakunzwe mu muziki wo kuramya no guhimbaza Imana.
Ni igitaramo kizaba tariki 27/5/2018 kikabera Park Inn Radisson kuva isaa kumi n'imwe z'umugoroba. Kwinjira ni 5,000Frw mu myanya isanzwe ndetse na 10,000Frw mu myanya y'icyubahiro. Muri iki gitaramo, Brian Blessed azaba ari kumwe na Patient Bizimana, Tonzi, Billy Jakes n'itsinda Beauty For Ashes (B4A) rikunzwe muri iyi minsi mu ndirimbo 'Yesu ni sawa'.
UMVA HANO 'DUTARAME' YA BRIAN BLESSED FT ALPHA & JULES SENTORE
Nk'uko Bizimungu Brian ari we Brian Blessed yabitangarije Inyarwanda.com, muri iki gitaramo cye azaba amurika album ye ya mbere yise Again and Again, ikaba igizwe n'indirimbo z'amajwi. Brian Blessed yadutangarije ko azaba ari umwanya mwiza wo kuramya no guhimbaza Imana, bakayishimira ibyo yakoze byose ndetse bakayiragiza n'ibiri imbere. Brian Blessed yunzemo ko abantu bafite amasezerano bahawe n'Imana bazayibutsa Imana kuko ari Imana isohoza icyo yavuze.
Brian Blessed agiye kumurika album ya mbere
Akomeza avuga ko abafite ibyifuzo nabo bazasengera mu kwizera ko Imana izabasubiza aho bazaba bayibwira bati 'Uzongera ubikore na none Mana'. Abajijwe impamvu yari amaze igihe kinini adakora igitaramo, Brian Blessed yavuze ko yari arimo gutegura neza iki gitaramo. Mbere yo gukora igitaramo, Brian Blessed yasohoye amashusho y'indirimbo ye 'Again and Again' yitiwe album agiye kumurika.
REBA HANO 'AGAIN AND AGAIN' YA BRIAN BLESSED
Igitaramo Brian Blessed agiye gukora
Eng
RSS 
TANGA IGITECYEREZO