Bishop Sibomana agiye kurushingana n’umukobwa bamaranye umwaka bari mu munyenga w’urukundo

Ubukwe bwa Bishop Sibomana na Alice Nsekonziza buzaba tariki 8 Nyakanga 2017, akaba ari bwo bazasezerana imbere y’Imana mu birori bizabera i Kampala. Mu kiganiro Bishop Sibomana Samuel yagiranye na Inyarwanda.com, yadutangarije ko amaze umwaka umwe akundana n’umukunzi we Alice bagiye kurushingana. 

Alice Nsekonziza umukunzi wa Bishop Sibomana

Mu mwaka wa 2015 ni bwo Bishop Sibomana Samuel yatangije itorero Shekinah Glory church rifite icyicaro gikuru muri Uganda, gusa mbere y’aho akaba yari azwi nk’umuhanuzi dore ko ngo iyo mpano yayihawe mu mwaka wa 2000. Mu mpera za 2016 ni bwo Sibomana Samuel yimitswe aba Musenyeri asukwako amavuta na Bishop Rubanda Jacques uyobora itorero New Jerusalem church.

Bishop Samuel Sibomana ni umwana wa kabiri mu muryango w’abana 9 akaba yarize amashuri yisumbuye muri Rusumo High School, aho yakomereje amashuri ya Kaminuza mu gihugu cy'u Buhinde muri Anamalai Universtity ahakura impanyabumenyi y’icyiciro cya kabiri cya kaminuza mu bijyanye no guteza imbere abaturage. Nyuma yaho yaje gukomereza muri iyo kaminuza icyicaro cya gatatu (Masters).

Bishop Sibomana agiye kurushingana na Alice bamaranye umwaka bakundana

Bishop Sibomana yimitswe akiri umusore asukwaho amavuta na Bishop Rubanda Jacques