Ahabanza Iyobokamana

Bishop Rugagi Innocent yarekuwe nyuma y'iminsi 10 amaze mu gihome

Yanditswe na: Mupende Gedeon Ndayishimiye
Taliki:15/03/2018 20:39 6

Ku mugoroba w'uyu wa Kane tariki 15 Werurwe 2018 ni bwo Bishop Rugagi Innocent yafunguwe nyuma y'iminsi 10 amaze mu gihome akurikiranyweho gukora inama mu buryo butemewe igamije gutambamira gahunda yo kugenzura insengero zitujuje ibyangombwa.

Itabwa muri yombi rya Bishop Rugagi Innocent ryemejwe na Polisi y'u Rwanda tariki 5 Werurwe 2018. Tariki 4 Werurwe 2018 Bishop Rugagi yari yitabye Polisi mu iperereza ryakorwaga ku banyamadini barimo bakora inama mu buryo butemewe, izo nama zikaba zari zigamije kunaniza iyubahirirwa ry'amategeko n'amabwiriza agenga amadini n'amatorero. Ni nyuma y'insengero zisaga 700 zo muri Kigali zari zimaze gufungwa.

Bishop Rugagi hamwe n'abandi bapasiteri batanu baje gutabwa muri yombi na Polisi y'u Rwanda. Abatawe muri yombi nk'uko batangajwe na Polisi y'u Rwanda ni: Bishop Rugagi Innocent wa Redeemed Gospel church, Apotre Rwandamura Charles wa United Christian church, Rev Ntambara Emmanuel, Bishop James Dura, Pastor Kalisa Shyaka Emmanuel na Rev Pastor Fred Nyamurangwa uyobora itorero CELPAR.

Image result for Bishop Rugagi innocent inyarwanda

Bishop Rugagi umushumba wa Redeemed Gospel church mu Rwanda

Kuri ubu Bishop Rugagi yamaze kurekurwa nkuko binemezwa na bamwe mu bayobozi b'imbere bashinzwe itangazamakuru muri Redeemed Gospel church. Umwe muri bo yagize ati: "Kurekurwa kw'Umuyobozi wacu Bishop Rugagi kwatunejeje, Imana ishimirwe ibyo idukoreye." Akirekurwa, Bishop Rugagi yandikiye abakristo be akoresheje ubutumwa bugufi ati:"Yesu ashimwe! Amahoro y’Imana abane namwe. Narekuwe". Gusa Inyarwanda.com twagerageje kuhamagara terefone igendanwa ya Bishop Rugagi dusanga itari ku murongo ubwo twandikaga iyi nkuru.

Abakristo ba Redeemed Gospel church twabashije kuvugana nabo bishimiye cyane irekurwa rya Bishop Rugagi Innocent umaze iminsi 10 mu gihome. Bishop Rugagi arekuwe nyuma y'aho tariki 12 Werurwe 2018 ari bwo ubushinjacyaha bwatangarije itangazamakuru ko bwashyikirijwe dosiye iregwamo Bishop Rugagi Innocent, Apotre Rwandamura Charles, R. Pasiteri Nyamurangwa Fred, Bishop Rugagi, Rev. Ntambara Emmanuel, Pasiteri Dura James na Pastor Kalisa Shyaka Emmanuel.

Image result for Bishop Rugagi innocent

Bishop Rugagi yarekuwe nyuma y'iminsi 10 amaze mu gihome

Umwanditsi

Sura Umwanditsi Nyandikira

TANGA IGITECYEREZO

IBITECYEREZO

Carine ● 6 years ago
Yooo!. Icyubahiro nik’imana.! Uwiteka ahabweee Icyubahiro ndanezerewe Cyanee.! Bishop wange Nari narahangayitse.!! Amen Amen
Me Gabriel Ruti ● 6 years ago
Amena
jojo ● 6 years ago
wow!!!Imana ishimwe
Ntareyakanwa ● 6 years ago
Imana twiringira irakoze cyane ! gusa n'abandi barekurwe niba ari no kubakurikirana bakurikiranirwe hanze kuko ntacyo badutwaye kdi ntanicyo banadutwara!!. Dore ibi bimeze neza nka cya gihe Imana ibwira Gidiyoni iti fata ingabo zawe ugende nuko afata ingabo zikabakaba 5000 byose nuko bageze ku kagezi nuko Imana ibwira Gidiyoni iti babwire banywe amazi abaranywesha amashyi abe aribo ukomezanya nabo naho abaranywa amazi bajabagira ntujyane nabo. nibi niko bimeze rero. abanyamadini ni abatubuzi kdi nta mpamvu!!
paulin ● 6 years ago
imana ishimwe
Sebera ● 6 years ago
Kaliya kali akanyafu Leta yamukubise kugirango areke ibyaha 2 akora yishakira cash.Icyaha cya mbere ni Kurya amafaranga y'abantu ababwira ko abasengera bakabona imodoka za V8 na Etages.Niba ugirango ndabeshya birebe kuli Youtube.Icyaha cya 2,yabeshye ku mugaragaro ko azajya kuzura abantu muli CHK na Faysal.Arongera abeshya umukobwa ko azaba Miss Rwanda.