Nk'uko twabibamenyesheje ubushize, Asaph Worship band; itsinda rishinzwe kuramya no guhimbaza mu itorero Zion Temple Celebration Center Nyarutarama campus riri muri gahunda yo kuzenguruka intara zose zigize igihugu bamamaza ubutumwa bwiza bwa Yesu Kristo.
Aba baririmbyi bari kuzenguruka intara zose zigize igihugu cy'u Rwanda bamamaza ubutumwa bwiza bwa Yesu Kristo biciye mu ndirimbo ziri kuri album yabo ya kabiri bise "Paid in Full". Iyi gahunda yatangiriye mu itorero rya Zion Temple Kabuga ndetse bakaba bamaze kugera mu ntara eshatu zose.
REBA HANO HOLY SPIRIT YA ASAPH WORSHIP BAND
Mu Burasirazuba Asaph Worship band yagiye i Rwamagana, i Burengerazuba bajya mu karere ka Karongi naho mu ntara y'Amajyaruguru, Asaph worship band yakoreye igitaramo mu karere ka Musanze. Nk'uko Inyarwanda.com yabitangarijwe na Adeline umuvugizi w'iyi Band, kuri uyu wa Gatandatu ku ya 24/11/2018 iri tsinda rizakorera igitaramo cyaryo muri Zion Temple Huye mu ntara y'Amajyepfo, guhera i saa cyenda z'amanywa.
Igitaramo Asaph Worship Band igiye gukorera i Huye
Asaph worship band yaboneyeho kwibutsa abantu ko igitaramo cy'umwuzuro w'iyi gahunda yo kuzenguruka igihugu kizaba ku ya 2 Ukuboza muri Kigali Marriott Hotel guhera i Saa kumi z'umugoroba.
Reba hano amafoto ya bimwe mu bitaramo byabereye mu ntara zitandukanye:
Eng
RSS 
TANGA IGITECYEREZO