Benjamin Dube ni umuhanzi wo muri Afrika y'Epfo uri mu bakunzwe cyane ku mugabane wa Afrika mu muziki wa Gospel. Mu minsi ishize umuhanzikazi nyarwanda Precious Nina Mugwiza yahuye n'uyu muhanzi w'icyamamare Benjamin Dube, bahurira muri Leta Zunze Ubumwe za Amerika.
Pastor Benjamin Dube yabonye izuba tariki 23 Mutarama 1962. Ni umuhanzi w'umunyafrika y'Epfo ukunzwe n'abatari bacye muri Afrika mu muziki wa Gospel. Akunzwe cyane mu ndirimbo zinyuranye zirimo;Jehovah Is Your Name, Bow Down and worship, Ngiyakuthanda, Yiwo Lawa Amandlaa n'izindi.
Precious Nina Mugwiza ni umunyarwandakazi w'umunyempano mu kuririmba. Abarizwa muri Women Foundation Ministries. Muri iyi minsi ari kubarizwa muri Leta Zunze Ubumwe za Amerika ku mpamvu z'amasomo. Mu muziki we, azwi mu ndirimbo 'Ndi uwawe' ndetse yagiye afasha abahanzi b'ibyamamare banyuranye mu bitaramo byabo. Mu minsi micye ishize, Precious Nina yahuriye muri Amerika na Benjamin Dube. Inyarwanda.com twabajije Precious Nina uko bahuye n'uko yabyakiriye.
Precious Nina Mugwiza umwe mu banyempano u Rwanda rufite
Mu kiganiro na Inyarwanda.com Precious Nina Mugwiza yadutangarije ko yishimiye cyane guhura na Benjamin Dube. Uyu muhanzikazi uvuga ko ubusanzwe akunda cyane indirimbo za Benjamin Dube, guhura na Benjamin Dube byabaye ibyishimo bikomeye kuri we kuko yari akabije inzozi. Precious avuga ko atari yiyumvisha niba koko yarahuye na Benjamin Dube.
Precious avuga ko ari umugisha ukomeye guhura nawe. N'ubwo Precious yirinze gutangaza byinshi ku guhura kwe na Benjamin Dube, amakuru agera ku Inyarwanda.com avuga ko bahuriye mu irushanwa rikomeye ry'abanyempano mu kuririmba riri kubera muri Leta Zunze Ubumwe za Amerika ndetse bivugwa ko Precious yari yaryitabiriye akanitwara neza ari nabwo Benjamin Dube yamubonaga akishimira cyane impano uyu munyarwandakazi Precious afite.
Precious Nina (iburyo) ubwo yahuraga na Benjamin Dube (hagati)
Eng
RSS 
TANGA IGITECYEREZO