Kigali:Muhire Nzubaha yahereye ku ndirimbo ye nshya 'Asante Mungu' mu rugendo rwo kugeza umuziki we mu karere-YUMVE

Iyi ndirimbo 'Asante Mungu', Muhire Nzubaha yashyize hanze indirimbo ni iya 6 ikaba iri mu rurimi rw'Igiswahili. Muhire Nzubaha yabwiye Inyarwanda.com ko iyi ndirimbo ye nshya imwinjije mu rugendo rwo kugeza umuziki we muri Afrika by'umwihariko mu karere k'Afrika y'Iburasirazuba bitewen n'uko ururimi rw'Igiswahili yayiririmbyemo rukoreshwa mu bihugu bitandukanye bihana imbibi n'u Rwanda.

REBA HANO 'HIMBAZWA' YA MUHIRE FT KIPENZI

Muhire Nzubaha ukorera umuziki mu mujyi wa Kigali yakomeje avuga ko impamvu yaririmbye mu Giswahili ari ukugira ngo yereke amahanga ko n'Abanyarwanda nabo bashoboye kuririmba mu zindi ndimi atari Ikinyarwanda gusa. Ati: "Usanga kenshi ibihugu duturanye nka DRC, Tanzania, Kenya n'ahandi bibagora cyane kumva ururimi rw'ikinyarwanda." Muhire yumvikana muri iyi ndirimbo aririmba amashimwe, ati: "Asante Mungu, Asante Baba, Asante Masshia, Asante Ulitenda Mema,.."

Muhire Nzubaha yatangiye urugendo rwo kugeza umuziki we mu karere

Muhire Nzubaha yabwiye Inyarwanda.com ko amashimwe ari menshi ku ruhande rwe uhereye mu buto bwe, gukura kwe, amenya ubwenge ndetse anashimira Imana imirimo yagiye imukorera cyane ko hari byinshi avuga ko Imana yamukoreye. Avuga ko ari yo mpamvu yaririmbye ati Asante Mungu bishatse kuvuga ngo Warakoze Mana." Yagize icyo asaba abakunzi b'umuziki bazumva iyi ndirimbo, ati: "Rero bakunzi ba muzika Nyarwanda cyane indirimbo zo kuramya no guhimbaza Imana, buri wese naririmbe ati Asante Mungu." Yavuze ko amashusho y'iyi ndirimbo azajya hanze vuba. 

UMVA HANO ASANTU MUNGU INDIRIMBO NSHYA YA MUHIRE NZUBAHA