Etta Ng Chok Lam w’imyaka 19 y’amavuko, Umuhungu w’umukinnyi wa filime, Jackie Chan, mu gitondo cy’uyu wa mbere yemeje ko yarushinganye n’umukunzi we ufite inkomoko muri Canada w’imyaka 31 y’amavuko witwa Andi Autumn.
Etta Ng Chok Lam yashyize ifoto kuri konti ya instagram igaragaza ibyishimo, bombi bambaye imyenda y’ibara ry’umweru bafite mu ntoki icyemezo cy’uko barushinze ku wa 08 Ugushyingo 2018. Munsi y’ifoto yanditse ati “Twahujwe n’urukundo ndetse n’amategeko, ku munsi wacu w’ubukwe”.
Yakomeje ati “Twese twarababajwe ariko iyo ukomeje kurota urukundo, ushobora kubibona. Urukundo ni urugira neza, ntabwo ruca imanza. Urukundo rugizwe n’imbaraga no gucika intege. Urukundo rushobora gutuma habaho impinduka. Iteka urukundo ruratsinda!”
Umuhungu wa Jackie Chan yemeje ko yarushinganye n'umukunzi we.
Dail Mail ivuga ko Ng ari umwana Jackie Chan yabyaranye na Elaine Ng Yi Lei batandukanye mu1999. Jackie Chan n’ubwo yabyaranye n’uyu mugore ntibigeze bashyingiranwa. Ng na Autumn batangiye gukundana mu 2017 ari nabwo berekeje muri Canada. Urukundo rwabo rwajemo agatotsi nyuma y’uko ababyeyi babo banze kubashyigikira.
Bombi bakunze kuvuga ko imiryango y'abo itabashyigikiye.
TANGA IGITECYEREZO