Miss Uwase Vanessa Raissa wabaye igisonga cya mbere cya Miss Rwanda 2015, agiye kwitabira iserukiramuco ry’amafilime mu gihugu cya Nigeria aho azabanza gukora amahugurwa ashobora kumuhesha amahirwe yo kujya kwiga ibya sinema muri Hollywood, inzu ya mbere ku isi mu bijyanye no gukora amafilime.
Kuri uyu wa Gatandatu tariki 7 Ugushyingo 2015, nibwo biteganyijwe ko Miss Vanessa azahaguruka i Kigali akerekeza mu mujyi wa Lagos muri Nigeria, aho azitabira amahugurwa y’icyumweru, hanyuma tariki 14 Ugushyingo 2015 hakazaba iserukiramuco aho bazatanga ibihembo ku mafilime nyafurika n’abakinnyi b’amafilime.
Miss Vanessa Uwase ashobora kubona amahirwe yo kujya kwiga muri Hollwood
Mu gihe cy’iri serukiramuco rizwi nka “Africa Film Festival”, hazatangwa buruse zo kujya kwiga muri Hollywood ku banyeshuri 20 bazaba bitwaye neza muri aya mahugurwa, Miss Vaness nawe akaba ashobora kuba umwe muri bo mu gihe yazabyitwaramo neza, agahita akomereza amasomo ye muri Hollywood muri Leta Zunze Ubumwe za Amerika.
Vanessa yabaye igisonga cya mbere cya Miss Rwanda 2015; Kundwa Doriane
Miss Vanessa usanzwe yiga muri Kaminuza ya Mount Kenya, yabwiye Inyarwanda.com ko mu gihe yaramuka atsinze, ashobora kureba ibifite inyungu n’akamaro kuri we kurusha ibindi, bityo akaba yajya kwiga ibyo gukina filime muri Hollywood mu gihe yabona amahirwe yo kuza muri 20 ba mbere kandi akabona bizamugirira akamaro kurusha amasomo ya Kaminuza asanzwe.
Uyu mukobwa asanzwe ari n'umunyamidelikazi
Africa Film Festival ni iserukiramuco nyafurika rya sinema riba buri mwaka, rigahuza abantu bose bakora ibijyanye na sinema ndetse n’abakinnyi ba filime bakomeye ku mugabane wa Africa.
Eng
RSS 
TANGA IGITECYEREZO