RFL
Kigali

Kwakira agakiza ntibyabujije Bahati (Just Family) gukomeza gukora filime zisanzwe, ubu agiye gushyira hanze indi nshya

Yanditswe na: Mutiganda wa Nkunda
Taliki:27/04/2015 15:07
6


Habiyambere Jean Baptiste Bahati wamenyekanye mu itsinda rya Just Family ariko nyuma akaza kurivamo anahagaritse umuziki burundu akajya muri sinema, aho nyuma yabwo nabwo yaje gusubira mu muziki ariko yarakijijwe kuri ubu yagarutse muri sinema ndetse akaba afite filime nshya itandukanye n’ukwemera kwe.



“NINJYE NAWE” niyo filime nshya Bahati agiye gushyira ahagaragara, ikaba ari filime ivuga inkuru y’umusore Chris ukoreshwa na Stella amubeshya ko amukunda, ariko ari ukugira ngo yihorere ku bantu bamwiciye umuryango. Iyi filime ikaba igaragaramo abakinnyi b’ibyamamare muri sinema nyarwanda nka Rukundo Arnold Shafi ukina yitwa Chris, Uwamahoro Antoinette umaze kumenyekana nka Intare y’ingore, Nadege Uwamwezi uzwi nka Catherine, Sandra wamenyekanye nka Kaliza, D’Amour Selemani uzwi nka Papa Shafi, n’abandi.

Rukundo Arnold akina ari Chris akundana na Stella ariko mukuru wa Stella akarwanya urukundo rwabo n'ubwo ruba ari urushinwa

Stella na Chris muri filime "Ninjye nawe"

Bahati arateganya kubanza kwerekana iyi filime mbere yo kuyishyira ku isoko, aho igikorwa cyo kuyerekana giteganyijwe tariki 24 z’ukwezi kwa 5 kuri City Lounge mu mujyi aho kwinjira bizaba ari amafaranga 1000 y’u Rwanda.

Ubwo twamubazaga impamvu yatandukiriye inzira y’agakiza yari arimo akagaruka gukora filime zifite ubutumwa butandukanye n’ubw’agakiza, Bahati yagize ati: “navuze ko nzajya nifashisha sinema mu gutambutsa ubutumwa bw’agakiza, ariko njye icyo nemera ni uko message yose ifite icyo yubaka kuri societe nyarwanda yose kuri njye nyifata ko ari ubutumwa bwiza.”

REBA INCAMAKE ZA FILIME NINJYE NAWE


Mutiganda Janvier






TANGA IGITECYEREZO

Izina ryawe
Email yawe
Andika igitecyerezo

IBITECYEREZO

  • dudu8 years ago
    ariko Mana nkunda unomukobwa ngo ni sandra aka Alicia... icyazampa kumubona amaso kumaso
  • dudu8 years ago
    ariko Mana nkunda unomukobwa ngo ni sandra aka Alicia... icyazampa kumubona amaso kumaso
  • meeee8 years ago
    Icyo gisambo ngo ni Bahati kiragatsindwe
  • carine8 years ago
    wowe wiyise meee menyako gutukana aricyaha guma uvuvuzere utukana we yigaramiye akorera inote. courage bahati itugereho vuba
  • my mAMY8 years ago
    Mubuzima bibaho
  • nduwayezu jonas8 years ago
    ninjye nawe igire ibanguke turayitegereje izaba ipofora2





Inyarwanda BACKGROUND