Muri iki gihe cy’igisibo ku bayoboke b’idini ya Islam, umukinnyi, umwanditsi, akaba n’umuyobozi wa filime ukomoka mu gihugu cya Tanzaniya akaba akorera mu Rwanda uzwi nka Johnson Sungura ariko amazina ye bwite akaba ari Suleiman Rachid afite ubutumwa agenera abakunzi be ndetse n’abavandimwe be bose muri rusange.
Nk’uko yabitangarije Inyarwanda.com, Johnson Sungura kuri ubu ibikorwa bigendanye no gukora akazi ka filime asanzwe akora ka buri munsi yamaze kubihagarika aho umwanya we ari kuwushyira mu kwiyegurira Imana muri iki gihe cy’igisibo.
Suleiman Rachid uzwi cyane nka Johnson Sungura
Uretse ibi kandi, Suleiman Rachid arasaba abantu bose ibi bikurikira nk’ubutumwa bwe muri iki gihe cy’igisibo. Johnson aragira ati: “Ndasaba abavandimwe mbamenyesha ko Imana iriho kandi ikora nkaba mbasaba mbinginga kuzana ibibazo byabo imbere y’imana, umuntu yagukemurira ibibazo ariko atari Imana ntacyo byaba bimaze.”
Nyuma y’igisibo, Rachid (Johnson Sungura) arateganya gukomeza ibikorwa bye bya filime aho ateganya gukomeza gukora filime BOMOA ari gukora binyuze mu kigo cye cya G10, ndetse kandi akaba ari gutegura filime-mpamo ikubiyemo urugendo rwe rwa filime hano mu Rwanda, aho agaragazamo cyane ibikorwa by’iki kigo cya G10 n’akamaro cyagiriye bamwe mu bakinnyi ba filime mu Rwanda cyagiye gihugura.
Filime BOMOA (Gusenya mu kinyarwanda) izagaragaramo abakinnyi nka Johnson Sungura, RIchard Mwanangu, Diane Shyaka,...
Mutiganda Janvier
Eng
RSS 
TANGA IGITECYEREZO