BOX OFFICE: The Equalizer 2 niyo filime yacurujwe kurusha izindi muri weekend

Nyuma yo gukundwa cyane kw’igice cya mbere, hatekerejwe gukora igice cya kabiri cya The Equalizer, yasohotse kuri uyu wa gatanu tariki 20/07/2018, muri iyi weekend yacuruje $35,825,000 muri Amerika gusa, ni mu gihe ku isi hose iyi filime yacurujwemo $39,125,000. Icuruzwa na Sony/Columbia. The Equalizer ya mbere yacurujwemo miliyoni 192.3 z’amadolari ya Amerika. Gukora iyi filime y’igice cya kabiri byatwaye miliyoni 62 z’amadolari.

2. Mamma Mia: Here We Go Again!

Niyo iza ku mwanya wa 2 muri filime zacurujwe cyane muri iyi weekend, dore ko nayo yasohotse kuri uyu wa gatanu tariki 20/07/2018. Yabashije kwinjiza $34,380,000 muri Amerika gusa, ku isi hose yinjije $76,780,000. Icuruzwa na Universal, amafaranga byari byatwaye ngo itunganywe ni miliyoni 75 z’amadolari.

3. Hotel Transylvania 3: Summer Vacation

Iza ku mwanya wa gatatu, yinjije $23,150,000 muri iyi weekend, icuruzwa na Sony ikaba yarasohotse ku itariki 13/07/2018. Gukora iyi filime byatwaye miliyoni 80 z’amadolari ariko kugeza ubu imaze kwinjiza $206,689,268. Ubushize iyi filime niyo yari ku mwanya wa mbere muri filime zacurujwe cyane.

4. Ant-Man and the Wasp

Muri iyi weekend yinjije $16,126,000, icuruzwa na Buena Vista ikaba yarasohotse ku itariki 06/07/2018.  Amafaranga yakoreshejwe mu gukora iyi filime ntiyigeze atangazwa, kuva yasohoka kugeza ubu imaze kwinjiza $353,524,292. Ubushize yari ku mwanya wa 2.

5. Incredibles 2

Yasohotse ku itariki 15/06/2018, iri mu bwoko bwa animation, muri iyi weekend yinjije $11,520,000. Nayo icuruzwa na Buena Vista, kugeza ubu yinjije $940,435,440. Ubushize niyo yari ku mwanya wa 4.

6. Jurassic World: Fallen Kingdom

Iri muri filime zari zitegerejwe cyane muri uku kwezi, muri iyi weekend yinjije $11,005,000, ni mu gihe kuva yasohoka imaze kwinjiza $1,196,904,505. Icuruzwa na Universal, ubushize niyo yari ku mwanya wa 5. Kuyitunganya byatwaye miliyoni 170 z’amadolari.

7. Skyscraper

Muri iyi weekend yinjije $10,960,000, icuruzwa na Universal ikaba yarasohotse tariki 13/07/2018. Kuyikora byatwaye $125 million, kugeza ubu imaze kwinjiza $131,849,120. Ubushize yari ku mwanya wa 3.

8. The First Purge

Yinjije $4,980,000 muri iyi weekend, icuruzwa na Universal ikaba yarasohotse tariki 07/07/2018.  Kugeza ubu imaze kwinjiza $96,491,365 mu gihe kuyikora byatwaye miliyoni 13. Ubushize yari ku mwanya wa 6.

9. Unfriended: Dark Web

Ni nshya kuko yasokotse kuri uyu wa 5 tariki 20/07/2018, yacuruje $3,495,000 ari nayo mafaranga yonyine imaze kwinjiza, ikcuruzwa muri Amerika gusa. Icuruzwa na BH Tilt, kuyikora byatwaye miliyoni 1 gusa y’amadolari.

10. Sorry to Bother You

Icuruzwa na Annapurna Pictures, muri iyi weekend yinjije $2,823,000. Kuva yasohoka kugeza ubu imaze kwinjiza $10,252,204. Ubushize iyi filime yari ku mwanya wa 7, ayo byatwaye ngo itunganywe ntiyigeze atangazwa.