Rampage ni filime ya Warner Bros (New Line), niyo iyoboye izindi mu zagurishijwe cyane muri iyi weekend, dore ko yasohotse kuri uyu wa 5 tariki 13/04/2018, kugeza ubu imaze kwinjiza $148,600,000 ku isi hose, muri Amerika gusa yinjije $34,500,000. Gukora iyi filime byatwaye miliyoni 120 z’amadolari.
Rampage ni filime ivuga ku nkuru y’ingagi batera imiti ituma iba nini cyane ndetse ikagira amahane menshi cyane ishaka kurimbura isi. Iyi ngagi iba yararezwe na Davis Okoye (Dwayne Johnson aka The Rock) uba akuriye ikipe y’abarwanya ba rushimusi mu Rwanda. Si iyi ngagi gusa iterwa iyi miti kuko haba hari n’ingona ndetse n’ikirura.
2. A Quiet Place
Niyo ikurikira mu zinjije menshi muri iyi weekend, yinjije $32,600,000, icuruzwa na Paramount. Ni filime iteye ubwoba yasohotse ku itariki 06/04/2018, muri iyi weekend yinjije $32,600,000. Kuva yasohoka kugeza ubu imaze kwinjiza $151,335,885, kuyikora byatwaye miliyoni 17 gusa z’amadolari. Ubushize niyo yari ku mwanya wa 1 mu zacurujwe cyane.
3. Truth or Dare
Icuruzwa na Universal, muri iyi weekend yinjije $19,080,000 muri Amerika gusa. Yasohotse kuri uyu wa 5 tariki 13/04/2018, ku isi hose ikaba imaze kwinjiza $21,680,000. Kuyikora byatwaye miliyoni 3.5 z’amadolari.
4. Ready Player One
Iyi filime icuruzwa na Warner Bros, yasohotse ku itariki 29/03/2018, muri iyi weekend yinjije $11,205,000. Kuva yasohoka kugeza ubu, iyi filime imaze kwinjiza $474,807,798, ayo byatwaye ngo itunganywe ntazwi. Ubushize iyi filime yari ku mwanya wa 2 mu zacurujwe cyane.
5. Blockers
$10,295,000 niyo yinjije muri iyi weekend, icuruzwa na Universal, yasohotse ku itariki 06/04/2018. Kuva yasohoka imaze gucuruza $52,927,670 ni mu gihe kuyikora byatwaye miliyoni 21 z’amadolari. Ubushize yari ku mwanya wa 3.
6. Black Panther
Ni filime ya Buena Vista, yasohotse tariki 16/02/2018, niyo imaze igihe kinini kurusha izindi kuri uru rutonde. Muri iyi weekend yinjije $5,342,000, kuva isohotse kugeza uyu munsi imaze kwinjiza $1,313,497,522. Amafaranga byatwaye ngo iyi filime itunganywe ntiyigeze atangazwa.
7. Isle Of Dogs
Ni filime icuruzwa na Fox/Searchlight, yasohotse ku itariki 23/03/2018, muri iyi weekend yinjije $5,000,000. Kuva yasohoka, imaze kwinjiza $27,185,396, ayo byatwaye ngo itegurwe ntiyatangajwe, ubushize yari ku mwanya wa 10.
8. I Can Only Imagine
Kugeza ubu iyi filime icuruzwa muri Amerika gusa, muri iyi weekend yinjije $3,837,220. Icuruzwa na Roadside Attractions, kuva yasohoka imaze kwinjiza $74,988,485, kuyikora byatwaye miliyoni 7 z’amadolari. Ubushize yari ku mwanya wa 6.
9. Tyler Perry’s Acrimony
Icuruzwa na Lionsgate, yasohotse ku itariki 30/03/2018, muri iyi weekend yinjije $3,700,000. Ayo byatwaye mu kuyikora ntiyigeze atangazwa, kugeza ubu imaze kwinjiza $38,941,376, ubushize yari ku mwanya wa 5.
10. Chappaquiddick
Iyi filime yasohotse ku itariki 06/04/2018, icuruzwa na Entertainment Studios nayo ikaba icuruzwa muri Amerika gusa, muri iyi weekend yinjije $3,025,000. Kugeza ubu imaze kwinjiza $11,006,383, ayo byatwaye ngo ikorwe ntazwi. Ubushize iyi filime yari ku mwanya wa 7.
TANGA IGITECYEREZO