Mission Impossible ni filime benshi bagiye bareba ibice byabo bitandukanye, kuri ubu hasohotse igice cyayo cya 6 cyiswe Mission Impossible – Fallout. Iyi niyo yacurujwe cyane muri iyi weekend, dore ko yinjije $61,500,000 muri Amerika gusa, ku isi hose yinjije $153,500,000.
Kuyikora byatwaye miliyoni 178 z’amadolari, yasohotse ku itariki 27/07/2018, ni kuri uyu wa 5. Iyi filime icuruzwa na Paramount, iki gice kikaba ari icya 6 nyuma y’uko igice cya mbere cyasohotse muri 1996, Tom Cruise niwe mukinnyi w’imena muri iyi filime imaze kwinjiza arenze miliyari 2 z’amadolari muri iyo myaka 22 imaze isohoka.
2. Mamma Mia! Here We Go Again
Niyo iza ku mwanya wa 2 muri filime zacurujwe cyane muri iyi weekend, dore ko nayo yasohotse kuri uyu wa gatanu tariki 20/07/2018. Yabashije kwinjiza $15,000,000 muri Amerika gusa muri iyi weekend, ku isi hose yinjije $167,225,525. Icuruzwa na Universal, amafaranga byari byatwaye ngo itunganywe ni miliyoni 75 z’amadolari. Ubushize n’ubundi niyo yari ku mwanya wa 2.
3. The Equalizer 2
Muri 2014 nibwo abakunda kureba filime bamenye igice cya mbere cya filime Equalizer ifite umugabo w’umuhanga Denzel Washington nk’umukinnyi w’imena. Igice cyayo cya 2 ubu kiri ku mwanya wa 3 muri filime ziri kugurwa cyane ku isi. Muri iyi weekend yinjije $14,000,000. Kuyikora byatwaye miliyoni 62 z’amadolari, kuva yasohoka imaze kwinjiza $70,331,345. Icuruzwa na Sony/Columbia, ubushize niyo yari ku mwanya wa mbere muri filime zacurujwe cyane ku isi. iyi filime yasohotse tariki 20/07/2018.
4. Hotel Transylvania 3: Summer Vacation
Iza ku mwanya wa kane, yinjije $12,305,000 muri iyi weekend, icuruzwa na Sony ikaba yarasohotse ku itariki 13/07/2018. Gukora iyi filime byatwaye miliyoni 80 z’amadolari ariko kugeza ubu imaze kwinjiza $284,228,501. Ubushize iyi filime niyo yari ku mwanya wa 3 muri filime zacurujwe cyane.
5. Teen Titans Go! To The Movies
Ni filime icuruzwa na Warner Bros, iri mu bwoko bwa animation, yasohotse kuri uyu wa 5 tariki 27/07/2018. Muri Amerika gusa, iyi filime yinjije $10,510,000, ku isi hose imaze kwinjiza $11,510,000. Gukora iyi filime byatwaye miliyoni 10 z’amadolari.
6. Ant-Man and the Wasp
Muri iyi weekend yinjije $8,400,000, icuruzwa na Buena Vista ikaba yarasohotse ku itariki 06/07/2018. Amafaranga yakoreshejwe mu gukora iyi filime ntiyigeze atangazwa, kuva yasohoka kugeza ubu imaze kwinjiza $394,224,127. Ubushize yari ku mwanya wa 4.
7. Incredibles 2
Yasohotse ku itariki 15/06/2018, iri mu bwoko bwa animation, muri iyi weekend yinjije $7,157,000. Nayo icuruzwa na Buena Vista, kugeza ubu $996,480,648. Ubushize niyo yari ku mwanya wa 5.
8. Jurassic World: Fallen Kingdom
Iri muri filime zari zitegerejwe cyane muri uku kwezi, muri iyi weekend yinjije $6,775,000, ni mu gihe kuva yasohoka imaze kwinjiza $1,235,455,500. Icuruzwa na Universal, ubushize niyo yari ku mwanya wa 7. Kuyitunganya byatwaye miliyoni 170 z’amadolari.
9. Skyscraper
Muri iyi weekend yinjije $5,400,000, icuruzwa na Universal ikaba yarasohotse tariki 13/07/2018. Kuyikora byatwaye $125 million, kugeza ubu imaze kwinjiza $225,758,089. Ubushize yari ku mwanya wa 6.
10. The First Purge
Yinjije $2,230,000 muri iyi weekend, icuruzwa na Universal ikaba yarasohotse tariki 07/07/2018. Kugeza ubu imaze kwinjiza $111,085,875 mu gihe kuyikora byatwaye miliyoni 13. Ubushize yari ku mwanya wa 8.
TANGA IGITECYEREZO