BOX OFFICE: 2016 irangiye filime Captain America: Civil War ariyo yahize izindi mu gukundwa cyane

Captain America: Civil War ni filime yasohotse tariki 06/05/2016, iri mu bwoko bw’imirwano (action), ni filime icuruzwa na Buena Vista, mu kayabo k’arenga miliyari y’amadolari, iyi filime byari byatwaye miliyoni 250 z’amadolari gusa mu kuyikora, bivuze ko yakubye inshuro zirenga 4 mu kunguka.

2. Finding Dory

Niyo iza ku mwanya wa 2 muri filime zakunzwe cyane zikanagurwa cyane uyu mwaka, yinjije $1,027,638,154 ikaba nayo icuruzwa na Buena Vista, yasohotse ku itariki 17/06/2016, amafaranga kuyikora byatwaye ntazwi.

3. Zootopia

Ku mwanya wa 3, iyi filime yinjije $1,023,784,195, icuruzwa na Buena Vista, yasohotse ku itariki 04/03/2016, izi uko ari 3 akaba ari zo filime kugeza ubu zabashije kwinjiza ageze kuri miliyari y’amadolari mu zasohotse muri uyu mwaka zose. Amafaranga byatwaye gukora iyi filime ntiyatangajwe.

4. The Jungle Book (2016)

Iyi filime nayo icuruzwa na Buena Vista, iri mu zabiciye bigacika muri uyu mwaka, yabashije kwinjiza $966,550,600 mu gihe kuyikora byari byatwaye miliyoni 175 z’amadolari, yari yasohotse ku itariki 15/04/2016.

5. The Secret Life of Pets

Yasohotse ku itariki 08/07/2016, imaze kwinjiza $875,350,142, icuruzwa na Universal, kuyikora byari byatwaye miliyoni 75 z’amadolari.

6. Batman v Superman: Dawn of Justice

Icuruzwa na Warner Bros. Yabashije kwinjiza $873,260,194 muri uyu mwaka, yasohotse tariki 25/03/2016, kuyikora byatwaye miliyoni 250 z’amadolari.

7. Deadpool

Ni filime yasohotse ku itariki 12/02/2016, muri uyu mwaka kugeza ubu yacuruje $783,112,979, icuruzwa na Fox, kuyikora byari byatwaye miliyoni 58 z’amadolari.

8. Suicide Squad

Icuruzwa na Warner Bros, muri uyu mwaka yinjije $745,600,054 ikaba yarasohotse ku itariki  05/08/2016. Miliyoni 175 z’amadolari niyo byatwaye kugira ngo iyi filime itunganywe.

9. Fantastic Beasts and Where To Find Them

Iyi filime yasohotse vuba aba mu kwezi kwa 11 ku itariki 18, imaze kwinjiza $722,615,251, icuruzwa na Warner Bros. Kuyikora byari byatwaye miliyoni 180 z’amadolari.

10. Doctor Strange

Iyi filime nayo yasohotse mu kwezi kwashize kwa 11, muri uyu mwaka yabashije kwinjiza $654,563,328, icuruzwa na Buena Vista, kuyikora byatwaye miliyoni 165 z’amadolari.

Muri filime 10 zagurishijwe kurusha izindi biragaragara ko ½ cyazo ari iza Buena Vista, ikompanyi yo muri Walt Disney ishinzwe gukwirakwiza amafilime, bivuze ko Buena Vista yahize izindi kompanyi gucuruza amafaranga menshi muri uyu mwaka mu kugurisha filime.