Umwitozo wa mbere y'uko abahanzi bari mu itorero bahabwa izina n’icyivugo wari indyankurye-Amafoto

Intore z’abahanzi ziri mu itorero zahawe izina n’Umutahira w’Indatabigwi akaba n’Umunyamabanga Uhoraho muri MINISPOC, Lt. Col. Patrice Rugambwa bakaba babaye kimwe n’abari babanjirije mu itorero. Aba bahanzi bari mu itorero ry'igihugu ry'abahanzi icyiciro cya kabiri bakaba bahawe izina rya ”Indatabigwi”.

Icyivugo kikaba kigira kiti:

“Ndi Indatabigwi mu Nkomezamihigo, ndi umurinzi w’umurage wa Gihanga, ndi umuhanzi ubereye u Rwanda nkaba ku isonga mu kubaka u Rwanda rushya n’ iterambere rya Afurika”.

Mbere yo kwinjiza izi ntore z’abahanzi mu zindi, habaye igikorwa cya PFT (Physical fitness test); aho basiganwe ku maguru ahareshya n’ibirometero bitanu barangiza bagakora indi myitozo ngoraramubiri. Iyi myitozo yari indyankurye cyane kuko intore zahereye mu gitondo kare cyane bakageza izuba rivuye bakiri mu myitozo.

Reba amafoto yaranze uwo munsi:

Intore mu itorero zirazinduka zigakora imyitozo

Bubakeraho bagikora imyitozo

Mu myitozo yo kwiruka baba bishimye

Banyuranamo basiganwa mu gitondo cya kare

Abahanzi bakora imyitozo inyuranye

Bishyushya ngo bikuremo ubukonje bwa mu gitondo

Barananiwe bari kuruhuka

Intore zitambuka hagati y'ibiti bibiri bajya guhabwa izina

Ku karasisi bagiye guhabwa izina

Ku murongo intore zigiye kwitwa izina zihabwe n'ikivugo

Umutahira w'intore akaba umunyamabanga uhoraho muri Minispoc niwe wahaye izina izi ntore

Oda Paccy atera indirimbo y'igihugu hakirwa abashyitsi

Abatoza b'intore bari baje muri uyu muhango

Nyuma yo guhabwa izina n'ikivugo intore zari zasazwe n'ibyishimo