Nkuko Afrifame yari yabitangaje, kuri uyu wa Kabiri mu gitondo umuziki nyarwanda watangiye gukinwa kuri Apple Music kuva yafungura.
Mu gitondo cyo kuri uyu wa 30 Kamena, 2015, nibwo Apple yatangije serivisi ya Apple Music yaje isimbura iTunes, nk’uko Afrifame ibitangaza, iyi gahunda ikaba yatangiranye n’umuziki w’abanyarwanda.
Ubu ushobora kumva umuziki nyarwanda kuri Music Apple
Nk’uko Afrifame ikomeza ibitangaza, albums zose ndetse n’ama “singles” yose yamaze kugera kuri Apple Music. Abahanzi bose bakorana na Afrifame bashobora kutangira kwamamaza indirimbo zabo kuri Apple Music.
Album zitandukanye zamaze kugera kuri Apple Music
Ubundi se Apple Music ni iki?
Apple Music ni serivisi y’umuziki yatangijwe na Apple kuri uyu wa kabiri 30 Kamena, 2015 ikaba yaje isimbura iyari isanzwe imenyerewe nka iTunes gusa ikaba idakuyeho ibyo yakoraga kuko byose ibifite. Ifite porogaramu(feature)yitwa “Connect” aho abahanzi bashobora kugeza umutumwa ku bafana babo. Aha abahanzi bashobora gusakaza ubutumwa butari indirimbo nk’amajwi yabo cyangwa ibitaramo n’ibindi.
Apple music yaje isimbuye iTunes
Iyi serivisi kandi ituma umuntu ashobora kwikorera “Stations” ze ndetse azasangiza bagenzi be kuri Facebook, Twitter, Email, iMessage n’ibindi. Kuri ubu iyi serivisi iri ku bikoresho (devices) bya Apple ariko muri ku kwa cyenda izagezwa no kuri Android.
Mu minsi iri imbere izi albums ziratangira kugera kuri Android
Afrifame irahamagarira abahanzi bakoresha Apple kutangira kugeza ubutumwa ku bafatana babo. Tubibutse ko umuziki wa Afrifame uzanzwe uboneka ku masoko menshi, harimo aya akurikira.
Denise IRANZI
Eng
RSS 
TANGA IGITECYEREZO