Kuri iki Cyumweru tariki 31 Ukuboza 2017 muri Uganda habereye igitaramo gisozwa kuri uyu wa Mbere kikaba gitegurwa n’umwami wa Buganda Kabaka Ronald Muwenda Mutebi. Iki gitaramo cyatumiwemo abahanzikazi Charly na Nina. Ni igitaramo cyatumiwemo abahanzi benshi cyane bo muri Uganda barenga ijana na cyane ko ari igitaramo kiba mu minsi ibiri.
Nkuko amakuru ava muri Uganda yageraga ku Inyarwanda.com abivuga, ngo ubwitabire muri iki gitaramo bwari hejuru bikomeye cyane ko ahari hateguwe hose hari hakubise hakuzura ku buryo mu mibare ababonye iki gitaramo bahamya ko kitabiriwe n'abari hagati y’ibihumbi ijana na makumyabiri ndetse n’ijana na mirongo itanu.
Ibi birori aba bahanzikazi bitabiriye ni iby’isabukuru y’imyaka 21 Radiyo yo muri Uganda yitwa CBS imaze ikora, buri mwaka rero bakora ibirori byo kwizihiza igihe cy’umwaka iyi radiyo iba yiyongereyeho ndetse bikaba ibirori byitabirwa n’umwami wa Buganda Kabaka Ronald Muwenda Mutebi II. Charly na Nina bakaba aribo bahanzi nyarwanda baririmbye ubwo Abagande barasaga umwaka saa sita z’ijoro mu gihe igitaramo cyo cyatangiye saa saba z’amanywa ku itariki 31 Ukuboza 2017 kikaba kigomba kurangira saa saba z’amanywa ku itariki 1 Mutarama 2018.
Usibye Charly na Nina ariko muri iki gitaramo haririmbyemo undi muhanzikazi wo muri Tanzania witwa Saida Kalori uyu akaba yaririmbye ubwo bakiraga umwami wa Buganda muri iki gitaramo. Aba bakaba aribo banyamahanga bonyine bitabiriye iki gitaramo, mu gihe abahanzi bo muri Uganda bakomeye bose bakitabiriye barimo; Ykee Benda, Good Lyfe, Bobi Wine, Bebe Cool n'abandi benshi basaga abahanzi ijana.
Charly na Nina baririmbiye imbaga y'Abagande muri iki gitaramo
Charly na Nina n'abajyanama babo basoje umwaka bahagaze bwuma
Eng
RSS 
TANGA IGITECYEREZO