TIGO yampisemo kubera ubushobozi na swag bansanganye-Mc P Wamamaye(AMAFOTO)

Mc P agaragaye ku byapa byamamaza TIGO, nyuma y’uko hari hashize imyaka igera kuri 6 nabwo agaragaye nk’umukinnyi w’ibanze mu mashusho yamamaza ikinyobwa cya PRIMUS(2009-2010). Mbere yaho gato nabwo mu bwana bwe ijwi rye ndetse n’amafoto akaba yaragiye yifashishwa, iyamamaye ikaba ari ifoto yakoreshwaga muri gahunda z’abana babaga batangiye ibiruhuko binini.

Mc P Wamamaye asanga igihe kigeze ngo n'abanyamakuru bifashishwe mu kwamamariza amakompanyi atandukanye

Uyu munyamakuru avuga ko yishimiye cyane kuba Tigo yaramutoranyije ikamwifashisha mu kwamamaza izi servise zayo nshya nyuma y’imyaka isaga 6 yari ishize agaragaye yamamaza PRIMUS, ndetse akaba asanga atari ku bw’impanuka ahubwo yarabiharaniye dore ko ahamya ko aho izina rye n’ibikorwa amaze gukora bigeze, kongeraho uko agaragara ibyo yita swag bimuha amahirwe yo kuba umwe mu bashobora kwifashishwa mu bikorwa bitandukanye byo kwamamaza.

Nk’uko yabidutangarije Mc P akaba yari amaze igihe aharanira kugera kuri ibi nyuma y'uko yinjiye mu mwuga w'itangazamakuru agasanga abanyamakuru ntibakunze gukoreshwa n'ibigo bikomeye mu kwamamaza mu gihe nyamara nabo bafite abantu benshi baba babakunda banabakurikirana kimwe nk'abahanzi .

Mc P ati “ TIGO irasobanutse kuko bareba umuntu uri kuri hit (ugezweho)ikaba ariwe yifashisha kandi twe dufite impano nyinshi hari n’abatazi ko ndi umu model. Iyi ni intangiriro ubu ngiye kubereka impano nyinshi mvukana, ndi no kwiga Dj program ba Bissosso n’abandi nkawe banyitege.”

Mc P ni umwe mu basore biyemeraho kuba barubatse umubiri wabo

Mu kiganiro na Mc P yaduhamirije ko agiye gukorana na TIGO mu gihe kingana n’umwaka, ibintu yishimira cyane kandi bimugaragariza ko akazi akora kagaragarira benshi bityo bikaba bimutera ingufu. Ati “ Ni sawa cyane binyereka ko ibyo nubaka n’abandi babibona. So, ubwo ni ikerekana ko amarembo yanjye yuguruye no kubandi gusa ubu kompanyi y’indi yashaka konkoresha yarindira umwaka  nasinyiye TIGO ukarangira, ikindi ni uko gahunda yanjye yo kwamamaza imideli n’ibindi nteganya kubibyutsa.”

Uretse kuba kugeza ubu Mc P arimo agaragara ku byapa, ngo hari n'ibiganiro byatangiye hagati ye na TIGO yo kuba banakorana mu kwamamaza mu buryo bw'amashusho azajya atambutswa ku mateleviziyo atandukanye akorera mu Rwanda

Mc P ubwo yamamarizaga PRIMUS muri 2009

Mc P hamwe n'umuyobozi mukuru wa Radio contact akorera

Kuva mu mwaka wa 2012 nibwo izina Mc P, Kabutindi, Wamamaye, Canga Langi, Young president, commando nandi menshi yiyita yagiye yamamara nyuma y’uko ijwi rye ryari ritangiye kumvikana mu biganiro bitandukanye bya Contact FM nka Route66, Watssup skulz show, Satarday night on fire(Amamara show).Azwiho guhanga udushya mu biganiro bye no kwita ku buryo agaragarira abantu dore ko kenshi akunze gukenda ahinduranya uko agaragara mu isura ye.

Aha, Mc P yari yitabiriye ibirori bya Inyarwanda fans hangout mu mwaka wa 2012

Nizeyimana Selemani