Teta Sandra umwe mu bakobwa bamamaye mu Rwanda mu gutegura ibitaramo cyane cyane iby’abambaye imituku (All red party), magingo aya amakuru mashya ahari y’uyu mukobwa ni uko yamaze guhabwa akazi muri kamwe mu tubyiniro tw’i Kampala ko kujya agaragaramo buri wa gatatu w’icyumweru.
Aya makuru Inyarwanda.com iyakesha Gahungu Schadrack umwe mubayobozi b’aka kabari wahamirije umunyamakuru ko uyu munyarwandakazi yahawe umunsi wo ku wa Gatatu w’icyumweru ngo ajye ategura ibitaramo ndetse anahagaragare nk’umwe mu bakobwa bakunzwe nabatari bake mu banyarwanda batuye i Kampala akazaba yatuma abakiriya b’aka kabyiniro biyongera.
Ibirori Teta Sandra azajya agaragaramo buri wa gatatu w’icyumweru umunsi wiswe ‘Luxe Wednsday’ aho uyu mukobwa uzwi cyane ku mbuga nkoranyambaga akaba icyamamare hano imbere mu gihugu ndetse no hanze yacyo azajya aba asabwa kuba yitabiriye buri munsi wa gatatu w’icyumweru. Teta Sandra ibi birori azajya yitabira bikazajya bibera mu kabari ka Hideout Bar lounge and Restaurent gaherereye I Kampala.
Teta Sandra yamaze kubona aka kazi i Kampala
Umwe mu bayobozi b’aka kabyiniro abajijwe igihe Teta Sandra azatangirira aka kazi yabwiye Inyarwanda.com uyu mukobwa uzwi na benshi hano mu Rwanda azatangira akazi mu mpera z’uku kwezi kwa Kamena 2018. Twibukiranye ko aka kabyiniro ka Hideout ari kamwe mu dukunzwe n’umubare munini w’abanyarwanda ndetse kakaba kisangije umwihariko w’uko ari akabyiniro usangamo ibinyobvwa bya hano mu Rwanda nka Primus na Miitzig.
Eng
RSS 
TANGA IGITECYEREZO