T-Wise yashyize hanze amashusho y’indirimbo ‘Back to me’ yakoranye n’umuraperi Shizzo-VIDEO

‘Back to me’ ni indirimbo ya mbere y'umuhanzi ukizamuka witwa T-wise ubarizwa muri Label y'Ibizimizo. Uyu musore akaba yarahuje imbaraga n’umuraperi Shizzo benshi basanzwe bazi nk’umuyobozi wa Bugoyiwood, bakorana indirimbo bise 'Back to me'. Indirimbo ‘Back to me’ yiganjemo ururimi rw’igiswahili na cyane ko T-Wise wayanditse ari umunyarwanda wakuriye mu gihugu cya Tanzania. Shizzo yabwiye Inyarwanda.com ko iyi ndirimbo yabo ivuga ku bijyanye no gutana kw’abakundana bitunguranye umwe akifuza ko undi yamugarukira.

Amashusho y’iyi ndirimbo yakozwe na producer Cedru usanzwe ukorera abahanzi bakomeye bakorera umuziki muri Amerika, abo ni nka The Ben, Meddy n’abandi. Amashusho y'iyi ndirimbo yafatiwe muri Indianapolis muri Leta Zunze Ubumwe za Amerika. Shizzo na T wise, ni bamwe mu bari muri Label y'Ibizimizo babanamo na Adolphe ukorera umuziki mu Rwanda. Shizzo na T-Wise bakomeje gusaba abanyarwanda kubashyigikira. Bibukije abakunzi babo ko bashonje bahishiwe kuko hari byinshi bari kubategurira. 

T-Wise wanditse indirimbo 'Back to me'

Umuraperi Shizzo

REBA HANO 'BACK TO ME' YA T-WISE FT SHIZZO