Selemani na Dj Princess Flor bongeye gutumirwa nabanya-Nigeria mu gitaramo na IYANYA

Ni igitaramo gitegerejwe cyane n’abanya-Nigeria baba mu Bubiligi no mu nkengero zaho ndetse n’abandi bakunzi b’umuhanzi Iyanya biganjemo abanyafurika. Iki gitaramo giteganyijwe kuba mu mpera z’icyumweru gitaha kuwa Gatanu tariki ya 01/052015 i Bruxelles mu Bubiligi.

Reba uko umwaka ushize byari byifashe mu gitaramo Selemani yaririmbyemo cya Bracket

Mu kiganiro na Selemani Uwihanganye umusore w’umunyarwanda wamenyekanye cyane mu ndirimbo ‘Kiberinka’, yadutangarije ko yishimiye kuba yongeye gutumirwa n’abanya-Nigeria, avuga ko ari ishema kuri we n’umuziki nyarwanda muri rusange.

Selemani na Bracket umwaka ushize ubwo bari baje mu Bubiligi

Selemani ati “ Kuri njye mbifata nk’ibintu byiza kuko n’abanyamahanga baragenda baha agaciro abahanzi nyarwanda n’umuziki nyarwanda muri rusange. Abatumiye Iyanya ni abantu baba Nigeria basanzwe batumira abahanzi baho, umwaka ushize nabwo bari batumiye Bracket icyo gihe nabwo nkaba naratumiwe ngo nifatanye nabo kandi byagenze neza cyane kuko abanyarwanda batuye hano baje kunshyigikira ari benshi.”

Iki gitaramo kirategerejwe cyane

Uretse Selemani kandi na Iyanya nk’abahanzi bazagaragara muri iki gitaramo batamira abafana babo, biteganyijwe ko muri iki gitaramo kizabera muri K-Nal Club hazaba hari aba Djs bavanga vanga imiziki bashimisha abantu, muri bo hakaba harimo Dj Princess Flor umunyarwandakazi nawe umaze kubaka izina muri uyu mwuga.

Umunyarwandakazi Dj Princess Flor umaze kubigira umwuga

Mu minsi mike ishize Selamni yakoranye indirimbo na Washington bise 'Kamwe'

Nizeyimana Selemani